მარუან ფელაინი ნამდვილად მიიღებს თავდაჯერებულობის მომატების მიზეზს სამშაბათს გატანილი გოლის, "მანჩესტერ იუნაიტედის" გულშემატკივრების, ხუან მატასა და ჟოზე მოურინიოს კომენტარების შემდეგ.
ინგლისის ლიგის თასზე "ჰალ სიტის" კარში გატანილი გოლის შემდეგ ბელგიელმა მოედნის კიდესთან მიირბინა, სადაც მწვრთნელს გადაეხვია. "ევერტონთან" დეკემბერში მისი მიზეზით "იუნაიტედის" კარში გამოწვეული მატჩის შემდეგ, რაც "წითლების" ბოლო მოუგებელი მატჩია, ნახევარმცველი კრიტიკოსთა სამიზნე გახდა, მაგრამ მოურინიოს მას იმ დღესვე და მას შემდეგაც არაერთხელ გამოუტახა მხარდაჭერა.
მატა: "შეიძლება, მარუანი გრძნობს, რომ მწვრთნელს მისი სჯერა და ამიტომაც აღნიშნა ასე. მარუანის გამო ძალიან ბედნიერი ვარ, რადგან კლუბში მოსვლის დღიდან ძალიან რთული პერიოდი გამოიარა. მაგრამ დიდებული ადამიანია. დიდებული ბიჭია. ყოველთვის მაქსიმალურად იხარჯება ვარჯიშზე. მის გამო მოხარული ვარ.
ყველას კარგად ეწყობა. მას შემდეგ, რაც აქ მოვედი, ჩემი მეგობარი გახდა და გასახდელ ოთახში ყველასთან მეგობრობს. ყველას გაუხარდა მისი გოლი. როცა თანაგუნდელი ცუდ ვითარებაში იმყოფება და უჭირს, მხარი უნდა დავუჭიროთ.
ვფიქრობ, ამან მისი თავდაჯერებულობა უნდა გაზარდოს. კარგი იყო სტადიონზე მის სასახელოდ სიმღერის მოსმენა, რადგან ეს დაიმსახურა. ძლიერი, გამოცდილი ადამიანია. ახალგაზრდა არ არის. 29 წლისაა, ესე იგი, ფეხბურთში ბევრი რამ გადაუტანია, მაგრამ სასიამოვნო სულაც არ არის საკუთარ სტადიონზე თამაში და ცუდი ატმოსფეროს ქონა. მაგრამ ახლა ყველაფერი შეიცვალა. ვფიქრობ, მომავალში ამან პოზიტიური გავლენა უნდა მოახდინოს.
როგორც ფეხბურთელს, გიადვილდება, როცა ყველასგან მხარდაჭერას გრძნობ. თავს უკეთეს მოთამაშედ გრძნობ. თავდაჯერებულობა ნებისმიერი ფეხბურთელისთვის მნიშვნელოვანია და საბედნიეროდ, მარუანმა ეს დაიბრუნა".
მოურინიო: "აქ სწორედ ამიტომ ვარ, ფეხბურთელებს მხარი უნდა დავუჭირო, მითუმეტეს, რთულ სიტუაციაში. ძალიან ძლიერი მენტალიტეტი აქვს, სიტუაციას გაუმკლავდა და "ევერტონის" შემდეგ მატჩში მოედანზე გასვლას არ შეუშინებია.
ვფიქრობ, "რედინგის" წინააღმდეგ ფენომენალურად ითამაშა, დღეს კი მნიშვნელოვანი გოლი გაიტანა. გულშემატკივრების დინამიკა შეიცვალა. ჩემი მხარდაჭერა ყოველთვის ექნება და ჩემთვის ყოველთვის ძალიან მნიშვნელოვანი ფეხბურთელი იქნება".