"მანჩესტერ იუნაიტედის" ყოფილი ფეხბურთელი პოლ პარკერ მიიჩნევს, რომ "ლივერპულის" შემადგენლობაში ამჟამად ბევრი ისეთი ფეხბურთელი ირიცხება, ვინც "ოლდ ტრაფორდის" ფავორიტთა შორის აუცილებლად მოხვდებოდნენ, "იუნაიტედის" მაისურები რომ მოერგოთ.
პარკერი, რომელმაც 1991 წლიდან 1996 წლამდე "იუნაიტედის" შემადგენლობაში 105 მატჩი ჩაატარა ინგლისის ჩემპიონატში, მოურინიოს მას შემდეგ აკრიტიკებს, რაც პორტუგალიელმა "წითლები" ჩაიბარა.
და სანამ მოურინიო მიმდინარე სეზონში უკვე ახერხებს თავისი ტაქტიკისგან სარგებლის მიღებას, ყოფილი ინგლისელი მცველი მისი შეგირდების უმრავლესობას საკმარისად კარგ ფეხბურთელებად არ მიიჩნევს იმისათვის, რომ ისინი "ლივერპულისა" და "იუნაიტედის" ერთობლივ გუნდში მოხვდნენ.
"ლივერპულის" რამდენი ფეხბურთელი მოხვდებოდა "მანჩესტერ იუნაიტედის" შემადგენლობაში? ძალიან ბევრი.
ადამ ლალანა ნამდვილად იქნებოდა "მანჩესტერ იუნაიტედის" წევრი. ასევე ფილიპ კოუტინიო, რობერტო ფირმინო და სადიო მანე. "მანჩესტერ იუნაიტედის" გულშემატკივრები ამ ფეხბურთელებს შეიყვარებდნენ.
შეიძლება, ჟოელ მატიპმა და ჯორჯინიო ვეინალდუმმაც გასწიოს კონკურენცია და ცენტრ-ფორვარდმა დენიელ სტარიჯმაც კი, რომელიც არაფრისგან რაღაცას ქმნის. "ლივერპული" ასეთი გახდა და ისინი უფრო ანგარიშისგასაწევ ძალას წარმოადგენენ, ვიდრე "იუნაიტედი", - წერს პარკერი თავის გრაფაში.