პოლ სქოულზს მიაჩნია, რომ "მანჩესტერ იუნაიტედი" პრემიერ ლიგის ტიტულისთვის ბრძოლაში კიდევ ერთხელ ჩაერთვება, თუკი მომდევნო უიქენდზე "ლივერპულს" დაამარცხებს.

ინგლისის თასზე "რედინგის" დამარცხებით ჟოზე მოურინიოს გუნდმა ყველა ტურნირზე ზედიზედ მერვე გამარჯვება მოიპოვა.

უეინ რუნის, ენტონი მარსიალისა და მარკუს რეშფორდის გოლებით "წითლებმა" 4-0 იმარჯვეს, მათ კი ზლატან იბრაჰიმოვიჩი და ჰენრიხ მხითარიანიც შეემატებიან, რომლებიც ბოლო პერიოდში შესანიშნავ ფორმაში იმყოფებიან.

"იუნაიტედის" ლეგენდა პოლ სქოულზი კი "ოლდ ტრაფორდზე" "ლივერპულის" ვიზიტს კონკურენტებთან ჩამორჩენის შემცირების საშუალებად მიიჩნევს.

"ისე ჩანს, რომ ამჟამად "იუნაიტედს" ყველგან შეუძლია გოლის გატანა. ვფიქრობ, გუნდს დიდებული მომავალი აქვს. არა მგონია, "ჩელსი" ასეთი თანმიმდევრული იყოს, "ლივერპულს" თავისი პრობლემები აქვს.

ჩემი აზრით, თუ "იუნაიტედი" მომდევნო უიქენდზე გაიმარჯვებს, ტიტულისთვის ბრძოლას დაუბრუნდება", - განაცხადა სქოულზმა.

წყარო: goal.com