"მანჩესტერ იუნაიტედის" მთავარმა მწვრთნელმა ჟოზე მოურინიო განაცხადა, რომ ლიგის თასის მატჩში "ჰალ სიტისთან" ძირითადი შემადგენლობით ითამაშებს.

მოურინიოს თქმით, "ოლდ ტრაფორდზე" სამშაბათს სასტარტო შემადგენლობაში ანტონიო ვალენსიას, ანდერ ერერას, პოლ პოგბასა და ზლატან იბრაჰიმოვიჩს ვიხილავთ.

"იმ ფეხბურთელებს ვათამაშებ, რომლებმაც "რედინგთან" არ ითამაშეს. დასვენებული ფეხბურთელებით ვითამაშე და არ მინდა, პირველი გუნდი და მეორე გუნდი ვუწოდო, უბრალოდ დასვენებული ფეხბურთელებით ვითამაშეთ, რომლებსაც "ვესტ ჰემთან" მატჩში მონაწილეობა არ მიუღიათ.

მომდევნო მატჩში "ჰალ სიტის" წინააღმდეგაც დასვენებული ფეხბურთელებით ვითამაშებთ. ასე რომ, ადვილი გამოსაცნობია ჩვენი გუნდი - ზლატანი, პოგბა, ერერა, ვალენსია. ბიჭები, რომელთაც დღეს არ უთამაშიათ", - განაცხადა მოურინიომ.

რა თქმა უნდა, მწვრთნელისთვის ცხადია პრემიერ ლიგის მომდევნო ტურის მატჩში "ლივერპულთან" დაპირისპირების მნიშვნელობა, მაგრამ ყველა ტურნირის მოგებას აპირებს.

"ჰალი" ნახევარფინალში გავიდა და ეს მათთვისაც დიდი მოვლენა, არ ვიცი, შეიძლება, მათთვის უფრო მნიშვნელოვანია პრემიერ ლიგის მომდევნო ტური.

ჩვენ "ლივერპულს" ვეთამაშებით, დიდი მატჩია, მაგრამ ფინალში გასვლაც გვინდა. ამიტომაც "ჰალთან" მატჩს ყველაფრით დავუპირისპირდებით, რაც გაგვაჩნია, მთელი ძალით, რადგანაც ეს ორმატჩიანი დუელი და მეორე მატჩი გასვლაზე გვაქვს. პირველ მატჩში თუ მოვახერხებთ რამეს, ეს უპირატესობას მოგვცემს, ამიტომაც ვეცდებით ამის გაკეთებას".