ყოველდღიური იტალიური გამოცემა Il Giornale იტყობინება, რომ "მანჩესტერ იუნაიტედი" "მილანიდან" ნიჭიერი თავდამსხმელის გადაბირებას ეცდება, მაგრამ კონკურენციას წააწყდება.

მედიის სხვა იტალიურმა წარმომადგენელმა CalcioMercato-მ ნოემბერში დაწერა, რომ "არსენალი", "მონაკო" და დორტმუნდის "ბორუსია" მ'ბაი ნიანგის შესაძენად იბრძოლებდნენ.

21 წლის ფეხბურთელის მოქმედი კონტრაქტი 2019 წელს იწურება და ახლის თაობაზე მოლაპარაკებები ჩიხში შედის.

ფრანგს კონტრაქტის განახლება სურს, მაგრამ "მილანის" ახალ ხელმძღვანელობას სხვა გეგმები აქვს.

2012 წელს "კაენში" ყოფნისას ნიანგმა დაადასტურა, რომ მის შეძენას "არსენალი" და "ევერტონი" ცდილობდნენ, მაგრამ კარიერის გაგრძელების საშუალებად "მილანი" აირჩია.

"პრემიერ ლიგა ჩემთვის შესაფერი ფეხბურთია და იმედია, ერთ დღეს გადავალ. იქ თამაში ჩემი ოცნებაა და ჩემს სათამაშო სტილსაც ერგება. უკვე ორჯერ შემეძლო გადასვლა.

პირველად, როცა "მილანი" ავირჩიე, მიუხედავად იმისა, "კაენს" მიღებული ჰქონდა "არსენალისა" და "ევერტონის" შეთავაზება თუ არა", - განაცხადა ნიანგმა.

წყარო: dailystar