ანტუან გრიზმანმა გაბრაზებით უპასუხა თავის მომავალზე დასმულ შეკითხვას და განაცხადა, რომ ესპანეთში თავს ბედნიერად გრძნობს.

მადრიდის "ატლეტიკოს" თავდამსხმელი ერთ-ერთი ყველაზე მოთხოვნადი ფეხბურთელია ევროპაში და "მანჩესტერ იუნაიტედი" აპირებს ესპანელები მის შენარჩუნებაში გამოსცადოს.

25 წლის ფრანგი პოლ პოგბასთან მეგობრობს და ადრე აღიარა, რომ "იუნაიტედის" ნახევარმცველს ხშირად ეკითხება "ოლდ ტრაფორდის" შესახებ.

მიუხედავად ასეთი განცხადებისა, ანტუანმა კიდევ ერთხელ დაადასტურა საჯაროდ, რომ "ატლეტიკოში" თავს კარგად გრძნობს და კლუბის დატოვება არ სურს.

"ატლეტიკოში ბედნიერი ვარ და ვამაყობ, რომ ამ გულშემატკივრებისთვის ამ ფეხბურთელებთან და მწვრთნელთან ერთად ვთამაშობ.

მინდა ამაგი გადავუხადო იმ ზრუნვისა და რწმენისთვის, რასაც "ატლეტიკოში" ჩემდამი ყოველთვის იჩენდნენ", - განაცხადა ფრანგმა.

მიმდინარე სეზონში "რეალ სოსიედადის" ყოფილ ფეხბურთელსაც და მის კლუბსაც პრობლემები აქვთ, რამეთუ გრიზმანმა მხოლოდ ცხრა გოლი გაიტანა ესპანეთში, ბოლო 13 მატჩში კი მხოლოდ სამი, ხოლო ჩემპიონთა ლიგის შარშანდელი ფინალისტი ამჟამად ლა ლიგაში მეექვსე ადგილს იკავებს.

როცა მისი მომავლის შესახებ ჰკითხეს, გრიზმანმა თავისი აღშფოთება არ დამალა.

"არ მომწონს ეს შეკითხვა, ჩემი მომავლის შესახებ დასმული შეკითხვებით ზიანს ნუ მაყენებთ. კრიშტიანუს, მესის და ბეილს არავინ ეკითხება, რას აპირებენ მომდევნო სეზონში და სად უნდა ითამაშონ.

არც მე მომწონს, რომ მეკითხებიან, ბედნიერი ვარ და საკუთარი თავისგან სიამოვნებას ვიღებ "ატლეტიკოში", ჩემი მომავლის შესახებ აღარ მკითხოთ", - დაასრულა თავდამსხმელმა.

წყარო: the sun