"მანჩესტერ იუნაიტედი" იანვარში ვიქტორ ლინდელეფის შეძენას აღარ აპირებს.

"წითელი ეშმაკების" მთავარ მწვრთნელს 22 წლის ფეხბურთელის გადაბირება სურდა, მაგრამ ფილ ჯონსისა და მარკოს როხოს დამაჯერებელმა თამაშმა ჟოზე დაარწმუნა, რომ მცველის დამატება აღარ სჭირდება.

ამ წყვილის გარდა კი მოურინიოს ერიკ ბაიი, კრის სმოლინგი და დეილი ბლინდიც ჰყავს, რომლებიც ცენტრალურ მცველად ითამაშებენ.

პორტუგალიური გაზეთები იტყობინებოდნენ, რომ ლინდელეფი "იუნაიტედის" ყველა დროის ძვირადღირებული მცველი გახდებოდა და მას უკვე მოუმზადეს 2-ნომრიანი მაისური.

მას შემდეგ, რაც "სუონსისთან" 6 ნოემბერს ცენტრალური დაცვის ხაზში როხო და ჯონსი დადგნენ, "წითლები" 11 მატჩია არ მარცხდებიან, სერ ალექსის წასვლის შემდეგ საუკეთესო სერიასთან კი მხოლოდ ერთი წაუგებელი მატჩი აშორებთ.

ჯონსი და როხო ამ მატჩებიდან 9-ში ერთმანეთის პარტნიორად გამოდიოდნენ და მათ თამაშისას გუნდმა სულ შვიდი გოლი გაუშვა.

წყარო: bbc