საფეხბურთო ექსპერტი რობი სევეჟი აცხადებს, რომ თავის გუნდში ჰენრიხ მხითარიანის ყოლას უფრო ამობინებდა, ვიდრე კევინ დე ბრუინეს.

"მანჩესტერ იუნაიტედის" ნახევარმცველმა ტრავმის მოშუშების შემდეგ ბოქსინგ დეიზე გუნდში დაბრუნება ზედიზედ მესამე მატჩში გატანილი გოლით აღნიშნა.

კევინი კი "მანჩესტერ სიტის" ძირითადი შემადგენლობის რეგულარული წევრია და ის მსოფლიოს ერთ-ერთ საუკეთესო ნახევარმცველად ითვლება.

ბელგიელი და სომეხი ფეხბურთელი ბუნდესლიგიდან გადავიდნენ პრემიერ ლიგაში, როცა პირველმა მათგანმა "ვოლფსბურგი" დატოვა 2015 წელს 54 მლნ. ფუნტის სანაცვლოდ, მეორემ კი დორტმუნდის "ბორუსია" მიმდინარე წლის ზაფხულს 30 მლნ. ფუნტის სანაცვლოდ.

მიუხედავად ფასებში დიდი სხვაობისა და ასაკისა, სევეჟი აცხადებს, რომ ჰენრიხი უფრო მეტად მოსწონს, ვიდრე დე ბრუინე.

"ბუნდესლიგას ხშირად ვუყურებდი და ის ბრწყინვალე იყო. დე ბრუინეს მხითარიანი მირჩევნია, დიახ, მირჩევნია.

ორივე დიდებული ფეხბურთელია, მაგრამ მხითარიანს ვამჯობინებ".

წყარო: M.E.N.