"სანდერლენდის" მთავარი მწვრთნელი თვლის, რომ "მანჩესტერ იუნაიტედმა", მისმა ყოფილმა გუნდმა ტრადიციები არ დაიცვა.

სერ ალექს ფერგიუსონის შემცვლელად დასახელებიდან სულ რაღაც ათ თვეში დევიდ მოიესი "იუნაიტედის" მთავარი მწვრთნელის პოსტიდან გაათავისუფლეს.

მოიესი ფიქრობს, რომ გუნდმა მწვრთნელებისადმი მიდგომის ჩვევასაც უღალატა და სატრანსფერო ბაზარზე მხარჯველობასაც.

"შემიძლია თქვა, რომ ტრადიციები გაქრა. "მანჩესტერ იუნაიტედში" გარკვეული ცვლილებები მოხდა, მაგრამ მათ ეს გზა აირჩიეს", - აცხადებს "იუნაიტედის" ყოფილი მწვრთნელი.

2013 წელს ფერგიუსონის კარიერის დასრულების შემდეგ კლუბმა 480 მლნ. ფუნტი დახარჯა ახალწვეულებზე. 2014 წლის იანვარში მათ საკლუბო რეკორდი დაამყარეს, როცა "ჩელსიდან" 37.1 მლნ. ფუნტად ხუან მატა გადაიბირეს - ტრანსფერი, რომელიც დევიდ მოიესმა განახორციელა. ერთი წლის შემდეგ კი ლუი ვან გაალმა ახალი რეკორდი დაამყარა, როცა 59.7 მლნ. ფუნტად მადრიდის "რეალიდან" ანხელ დი მარია შეისყიდა.

მიმდინარე წლის აგვისტოში კი უკვე ჟოზე მოურინიოს ჯერი დადგა და მან მსოფლიო სატრანსფერო რეკორდი დაამყარა, როცა "იუვენტუსიდან" პოლ პოგბა გადაიბირა 89 მლნ. ფუნტად.

"იუნაიტედი" იყო კლუბი, რომელიც ფულის ხარჯვის მხრივ ტრადიციებს იცავდა. სხვა კლუბებს არ ეჯიბრებოდა. ისინი იმას აკეთებდნენ, რაც, მათი აზრით, სწორი იყო და სწორად ხარჯავდნენ.

შესაძლოა, ამის მიზეზი ამჟამინდელი მდგომარეობა იყოს. მაგრამ სერ ალექსი ბრძნულად და სწორად ხარჯავდა სატრანსფერო ბაზარზე, მხოლოდ იმას ყიდულობდა, ვინც სჭირდებოდა", - დაასრულა მოიესმა.

წყარო: bbc