ჩინეთის სუპერ ლიგის ორ კლუბს "მანჩესტერ იუნაიტედისა" და ინგლისის ნაკრების კაპიტნის გადაბირება კვლავ სურთ. უეინ რუნის ხელფასის სახით კვირაში 700 ათას ფუნტს სთავაზობენ.

"გუანგჟოუ ევერგრანდე ტაობაო" - ჩინეთის ყველაზე მდიდარი კლუბი - და "ბეიჯინგ გუოანი" 31 წლის ინგლისელს ჩინური ფეხბურთის განვითარებაში უმთავრეს ფიგურად მიიჩნევენ.

ბოლო ვარსკვლავი, ვინც ჩინეთის სუპერ ლიგაში გადავიდა, "ჩელსის" აწ უკვე ყოფილი ფეხბურთელი ოსკარია, რომელშიც "შანხაი სიპგმა" 52 მილიონი ფუნტი გადაიხადა და თავად ბრაზილიელს 400 ათასი შესთავაზა კვირაში.

"მანჩესტერ იუნაიტედისა" და "სიტის" ფეხბურთელი კარლოს ტევესიც ჩინეთის გზას ადგას, სადაც მას კვირაში 615 ათას ფუნტს სთავაზობენ.

მაგრამ რუნის შემოსავალი - რომელსაც მოქმედი კონტრაქტით 300 ათასი ფუნტი აქვს კვირაში - ყველა ზემოაღნიშნულ რიცხვს გადააჭარბებს, თუკი "გუანგჟოუ ევერგრანდეში" გადავა.

"ბეიჯინგ გუოანმა" გასულ ზაფხულსაც სცადა "იუნაიტედის" ფორვარდის გადაბირება, მაგრამ მის აგენტთან, პოლ სტრეტფორდთან მოლაპარაკებებს ვერ მიაღწია.

მას შემდეგ კი რუნის კარიერია პრემიერ ლიგაში უკან მიიწევს, რამეთუ ჟოზე მოურინიოს გუნდში მას გარანტირებული აღარ აქვს სასტარტო შემადგენლობაში მოხვედრა.

მაგრამ რუნი იანვარში არ აპირებს "იუნაიტედის" დატოვებას. მას მხოლოდ ორი გოლი აშორებს კლუბის ყველა დროის საუკეთესო ბომბარდირობამდე და ამის მიღწევა სურს.

წყარო: mirror