ჟოზე მოურინიო ფიქრობს, რომ პრემიერ ლიგის ლიდერ "ჩელსის" შობისა და ახალი წლის პერიოდში ხელსაყრელი დრო აქვს.

სატელევიზიო განრიგი საფესტივალო პერიოდში ზოგიერთ გუნდს უფრო მეტ დროს აძლევს დასვენებისთვის, "ჩელსი" კი ამით ყველაზე მეტად ისარგებლებს.

ანტონიო კონტეს გუნდი, რომელიც ექვსი ქულით აჭარბებს უახლოეს მდევარს, 3 მატჩს ჩაატარებს 10 დღეში, მატჩებს შორის კი ყველაზე მეტ დროს მიიღებს დასვენებისთვის.

ამან ჟოზე მოურინიოს უკმაყოფილება გამოიწვია, რომლის გუნდსაც გაცილებით ნაკლები დრო აქვს ფორმის აღსადგენად.

"იუნაიტედმა" რვა დღეში უნდა ჩაატაროს სამი მატჩი, რის შესახებაც მოურინიომ განაცხადა: "გადატვირთული პერიოდი ზოგიერთ კლუბს აქვს და არა ყველას. თუკი განრიგის ანალიზს მოახდენთ, მათთვის გადატვირთვა არ არის.

თითქოს ისეა განრიგი შედგენილი, რომ ზოგიერთი ისვენებს, ზოგს კი პრობლემები ექმნება. ჩვენ კი უკანასკნელთა რიგებში ვართ, რადგან ევროპა ლიგაზე ვთამაშობთ და ეს ტურნირი სირთულეებს ქმნის".

წყარო: mirror