"ევერტონი" "მანჩესტერ იუნაიტედს" მემფის დეპაისა და მორგან შნეიდერლინის ტრანსფერისთვის 40 მლნ. ფუნტს შესთავაზებს.

"წითელი ეშმაკების" მთავარმა მწვრთნელმა უკვე დაადასტურა, რომ შნეიდერლინს კლუბის დატოვება სურს. წასვლის სურვილის გამოთქმის შემთხვევაში "იუნაიტედის" დატოვება შეუძლია დეპაისაც, რომელიც საერთოდ ვეღარ ხვდება მოურინიოს სამატჩო განაცხადში.

მედია გამოცემები მორგანისა და მემფისის სამსახურით დაინტერესებულთა სიას რამდენიმე სხვადასხვა კლუბს აკუთვნებენ, მაგრამ "ევერტონს" იმედი აქვს, რომ ყველა კონკურენტს აჯობებს - პირველ რიგში კი "ვესტ ბრომვიჩსა" და "რომას", რომლებიც ფრანგსა და ჰოლანდიელზე აცხადებენ პრეტენზიას, შესაბამისად.

Liverpool Echo კი იტყობინება, რომ "კანფეტები" ამის მიღწევის იმედს 40 მილიონი ფუნტით გამოთქვამენ, რასაც ორივე ფეხბურთელში ერთად სთავაზობენ.

გამოცემის ცნობით, "ევერტონი" იანვრის პირველ რიცხვებში ეცდება ორივე ტრანსფერის განხორციელებას.

წყარო: readeverton.com