"მანჩესტერ იუნაიტედი" და მიუნხენის "ბაიერნი" ერთმანეთს "ბენფიკას" მარჯვენა მცველის, ნელსონ სემედოსთვის შეეცილებიან.

პორტუგალიური კლუბის პრეზიდენტი ახლახანს ლონდონში იმყოფებოდა, რათა ვიქტორ ლინდელეფის "ოლდ ტრაფორდზე" გადასვლის საკითხი განეხილა.

თუმცა, მედია იტყობინება, რომ ლუიშ ფილიპე ვიეირას სემედოს ხელმისაწვდომობის შესახებაც ჰკითხეს.

ანტონიო ვალენსიამ მარჯვნა მცველის პოზიციაზე დაიმკვიდრა ადგილი და მიმდინარე სეზონში კლუბის ერთ-ერთი გამორჩეული მოთამაშეა, მაგრამ ამპლუით იგი ვინგერია და თავდასხმა გაცილებით უკეთ გამოსდის, ვიდრე თავდაცვა, რისი დასტურიც რამდენიმეჯერ პოზიციის დაკარგვა გამხდარა.

გარდა ამისა, 31 წლის ეკვადორელი გრძელვადიან პერსპექტივად ვერ მოიაზრება და სწორედ ამიტომ სურს მოურინიოს მის შემცვლელად სხვა ფეხბურთელის შეძენა.



წყარო: the sun