"მანჩესტერ იუნაიტედის" თავდამსხმელის, ზლატან იბრაჰიმოვიჩის აგენტი მიიჩნევს, რომ შვედეთის ნაკრების ყოფილმა ფეხბურთელმა თავისი კრიტიკოსები "მოკლა".

საფეხბურთო ექსპერტებსა და გულშემატკივრებს ეჭვი ეპარებოდათ 35 წლის ფეხბურთელში, რომელმაც საფრანგეთის, იტალიისა და ესპანეთის ჩემპიონატების დატოვების შემდეგ პრემიერ ლიგას მიაშურა.

თუმცა, მან ამ ექსპერტებსა და გულშემატკივრებს 25 მატჩის ჩატარებითა და 16 გოლის გატანით უპასუხა.

"ზლატანი ინგლისისთვის აღმოჩენად იქცა, მაგრამ დანარჩენი მსოფლიო მას უკვე იცნობდა.

ჩვენი ერთ-ერთი მიზანი ის იყო, რომ გვეჩვენებინა, რასაც მთელი კარიერის განმავლობაში აკეთებდა, პრემიერ ლიგაშიც შეძლებდა.

ყოველთვის იყო ეჭვი, შეძლებდა თუ არა პრემიერ ლიგაშიც, მან კი ყველა მოკლა, ვისაც ეს კითხვა გაუჩნდა მის თამაშთან დაკავშირებით", - განაცხადა შვედის აგენტმა.

წყარო: goal.com