ენტონი მარსიალი აცხადებს, რომ "მანჩესტერ იუნაიტედის" სათადარიგოთა სკამზე მოხვედრა აბრაზებს, რადგან მატჩებში მონაწილეობა სურს.

21 წლის ფეხბურთელი წინა სეზონისგან განსხვავებით რეგულარულად ვეღარ ხვდება "წითელი ეშმაკების" ძირითად შემადგენლობაში.

"ტოტენჰემთან" მატჩი, რომელიც გუნდმა 1-0 მოიგო, სასტარტო შემადგენლობაში დაიწყო, მაგრამ "კრისტალ პალასთან" შეხვედრაში, რომელიც "იუნაიტედმა" 2-1 მოიგო, სათადარიგოთა სკამზე დარჩა. მარსიალს მონაწილეობა არ მიუღია "ვესტ ბრომთან" გასვლით შეხვედრაშიც და აღნიშნავს, რომ მისი მდგომარეობა ძალიან აბრაზებს.

"სკამზე ჯდომა მაბრაზებს. მართლა მაბრაზებს, მაგრამ ეს ტესტია, რომელიც უნდა გაიარო და პროგრესირებდე.

რთულია, რადგან გუნდის დახმარება გინდა, მაგრამ სკამიდან ამას ვერ გააკეთებ. თუმცა ეს მწვრთნელის არჩევანია და უნდა მიიღო.

ხალხი ჩემგან ბევრს ელის, მაგრამ ხანდახან ავიწყდებათ, რომ ჯერ ახალგაზრდა ვარ. ყველამ ის იფიქროს, რაც უნდათ, ეს არაფერს შეცვლის, - განაცხადა ფრანგმა.

წყარო: the guardian