მაიკლ ოუენი აცხადებს, რომ "ოლდ ტრაფორდზე" გატარებული სამი წლის განმავლობაში მის მიერ გატანილი გოლები გაცილებით მეტად ფასობს "მანჩესტერ იუნაიტედისთვის", ვიდრე ზლატან იბრაჰიმოვიჩს გოლები.

ინგლისის ნაკრების ყოფილმა ფეხბურთელმა ჟოზე მოურინიოს კომენტარს უპასუხა, რომელიც ფიქრობს, რომ შვედი გაცილებით მეტ გოლს გაიტანს ერთ სეზონში, ვიდრე ოუენმა მოახერხა სამ სეზონში.

"რეალობა ის არის, რომ ზლატანი უფრო მეტ გოლს გაიტანს ერთ სეზონში, ვიდრე მაიკლ ოუენმა სამ სეზონში მოახერხა.

"იუნაიტედში" ყოფნის პერიოდში მან 17 გოლი გაიტანა, ზლატანი კი მხოლოდ ექვსი თვეა იმყოფება ჩვენთან, ესე იგი, კარგი არჩევანი გავაკეთეთ", - განაცხადა პორტუგალიელმა.

ოუენმა პასუხის გაცემის შანსი არ გაუშვა ხელიდან და აღნიშნა, რომ მისი გოლები გაცილებით მნიშვნელოვანი იყო "წითელი ეშმაკებისთვის".

"მე ვთქვი, რომ ზლატანი გრძელვადიანი ფეხბურთელი არ იყო, რობინ ვან პერსის მსგავსი არ იყო - მხოლოდ ერთი ან ორი სეზონისთვის შეიძინეს.

"იუნაიტედმა" ახალი უეინ რუნი უნდა იპოვონ, 18 ან 19 წლის ასაკში მყოფი, ან თავად გამოზარდონ.

ჩემი გოლები უფრო მნიშვნელოვანი იყო "იუნაიტედისთვის", რადგან მე მხოლოდ 10% მეძლეოდა იმისა, რასაც ზლატანი ერთ კვირაში იღებს", - განაცხადა ინგლისელმა.

წყარო: goal.com