„მანჩესტერ იუნაიტედისა“ და ინგლისის ეროვნული ნაკრების ლეგენდა, გარი ნევილი „წითელი ეშმაკების“ ახალ შენაძენზე, ჰენრიხ მხითარიანსა და ხუან მატაზე საუბრობს, რომელიც გუნდში დევიდ მოიესის მოსვლის პერიოდიდან ირიცხება. მოგეხსენებათ, რომ ჰენრიხ მხითარიანმა ბოლო მატჩები უმაღლეს დონეზე ჩაატარა და ყველა მატჩში მატჩის საუკეთესო ფეხბურთელის წოდება მიიღო.

„მე უკვე დიდი ხანია ვსვამ კითხვას, არის თუ არა ხუან მატას ადგილი „იუნაიტედში“ ფლანგებზე. ვფიქრობ, ნებისმიერი გარემარბის მთავარი თვისება სისწრაფე და დრიბლნიგი უნდა იყოს. ხუან მატა კი უფრო სხვა რაღაცებით გამოირჩევა, ვიდრე სისწრაფით. მას აქვს კარგი შესრულება, პასი, კრეატიული აზროვნება. ხუან მატა მშვენიერი ათიანი იქნებოდა "იუნაიტედისთვის".

მას შემდეგ, რაც ჰენრიხმა თავისი შანსი ასე კარგად გამოიყენა, ვფიქრობ, მან დაამტკიცა თავისი შესაძლებლობები და ჟოზემ უკვე იცის, თუ როგორ ფეხბურთელთან აქვს საქმე. მე არ ვფიქრობ, რომ მატას „მანჩესტერული“ კარიერა დასრულდა, პირიქით, ის ძალიან კარგ ფორმაში იმყოფება, უბრალოდ მან პოზიცია დაკარგა. ისეთ შემსრულებელს, როგორც ზლატან იბრაჰიმოვიჩია, უკნიდან კარგი, კრეატიული თანაგუნდელები სჭირდება, მატა კი ამ საქმისთვის გამოდგება. ახლა მხოლოდ იმის თქმა შემიძლია, რომ ჰენრიხმა თავისი ფორმა უნდა დააბალანსოს და სტაბილური გახდეს.“ - განაცხადა გარიმ.

შეგახსენებთ, რომ ჰენრიხ მხითარიანმა, „ტოტენჰემთან“ მატჩის მიწურულს, დენი როუზთან ორთაბრძოლაში ტრავმა მიიღო.

წყარო: Squawka.Com