ინგლისური გამოცემა VitalFootball_ი აქვეყნებს სტატიას, სადაც ჩანს რომ „მანჩესტერ იუნაიტედის“ ვინგერით, ეშლი იანგით ოთხი ინგლისური კლუბია დაინტერესებული, ეს კლუბები არიან: „სუონსი სიტი“, „უოტფორდი“, „ვესტ ბრომვიჩი“ და „ევერტონი“.
მოგეხსენებათ რომ 31 წლის ინგლისელი, „იუნაიტედში“ სათამაშო დროის უკმარისობას განიცდის, ვინაიდან ეშლის პოზიციაზე მრავალი ფეხბურთელი ირიცხება „იუნაიტედის“ რიგებში. თუმცა ეშლი იანგი სერ ალექსის წასვლის შემდეგ უნივერსალურ ფეხბურთელად იქცა და მან ახალი პოზიციები შეითვისა. უფრო დიდი ალბათობით იანგი „უოტფორდს“ შეუერთდება, იგი ახალგაზრდობის წლებში სწორედ „უოტფორდის“ ღირსებას იცავდა. 2007 წელს იგი „ასტონ ვილას“ შეუერთდა, სადაც 2011 წლამდე იასპარეზა და შემდეგ „მანჩესტერ იუნაიტედის“ მაისური მოირგო.
ასევე არსებობს მოსაზრება რომ „ევერტონს“ არჩევანის გაკეთება ორ მანჩესტერელს შორის მოუწევს, ეშლი იანგსა და მემფის დეპაიში. უფრო დიდი ალბათობით მემფის დეპაი „კანფეტებს“ იჯარის წესით შეუერთდება და დროებით „ევერტონში“ იასპარეზებს. ეს ყველაფერი იანვრის თვის სატრანსფერო ფანჯარაზეა მოსალოდნელი.