10-12-2016, 12:19

ავტორი: RojoDiablo,

ნანახია: 3413,

კომენტარები: 27

"მანჩესტერ იუნაიტედი" - "ტოტენჰემი" (პრევიუ)

პრემიერ ლიგის მე-15 ტურის მატჩის პრევიუ.

"მანჩესტერ იუნაიტედი" - "ვესტ ჰემი" (პრევიუ)

სტადიონი: "ოლდ ტრაფორდი", მანჩესტერი
მონაცემი: ინგლისის პრემიერ ლიგა, მე-15 ტური
თარიღი: კვირა, 11 დეკემბერი, 2016 წელი
მთავარი მსაჯი: ბობი მედლი
მატჩის დასაწყისი: 18:15, (ჩვენი დროით)

"მანჩესტერ იუნაიტედი"

ტრავმირებულები: შოუ, სმოლინგი
დისკვალიფიკაცია: არავინ
კითხვისნიშნისქვეშ: მატა
განაცხადი: De Gea, Romero, Johnstone, Valencia, Fosu-Mensah, Jones, Bailly, Rojo, Darmian, Blind, Young, Fellaini, Carrick, Herrera, Pogba, Lingard, Mata, Mkhitaryan, Martial, Rashford, Rooney, Ibrahimovic.
კრის სმოლინგი და ლუკ შოუ გუნდის ლაზარეთში რჩებიან, მაგრამ შემადგენლობას უბრუნდება ოდესაში გუნდთან ერთად არმყოფი მატეო დარმიანი, მაიკლ კერიკი, და ანტონიო ვალენსია, ასევე სათადარიგოთა სკამზე მყოფი დავიდ დე ხეა. ტრავმის მოშუშების შემდეგ პრემიერ ლიგაში პირველ მატჩს ჩაატარებს ერიკ ბაიი. "იუნაიტედის" კაპიტანი უეინ რუნი კი დისკვალიფიკაციის მოხდის შემდეგ ჩემპიონატის მატჩში მონაწილეობას შეძლებს. ხუან მატამ "ზარიასთან" მატჩში მცირე დაზიანება მიიღო და მისი მონაწილეობა საეჭვოა.

"ტოტენჰემი"

ტრავმირებულები: ლამელა, ბ. დევისი, იანსენი
დისკვალიფიკაცია: არავინ
კითხვისნიშნისქვეშ: არავინ
განაცხადი: Lloris, Vorm, Lopez, Rose, Davies, Vertonghen, Alderweireld, Carter-Vickers, Wimmer, Walker, Trippier, Dier, Wanyama, Winks, Dembele, Eriksen, Alli, Sissoko, Onomah, Nkoudou, Son, Kane.

ბენ დევისი და ვინსენტ იანსენი "დეზების" ლაზარეთში რჩებიან. ბელგიელი მცველი ტობი ალდერვეირელდი ჩემპიონატში უბრუნდება გუნდს, მას შემდეგ, რაც ტრავმის მოშუშების შემდეგ მოსკოვის ცსკა-ს წინააღმდეგ ჩემპიონთა ლიგის მატჩში მიიღო მონაწილეობა. ერიკ ლამელა ოჯახური პირობების გამო არგენტინაში რჩება, სადაც მისი ძმა საავადმყოფოში იმყოფება.

"მანჩესტერ იუნაიტედი"

მე-6 ადგილი, 21 ქულა

ბოლო ხუთი შეხვედრა: ფ-მ-ფ-ფ-ფ

"მანჩესტერ იუნაიტედმა" პრემიერ ლიგის ბოლო რვა მატჩიდან მხოლოდ 1 მოიგო - +1=6-1

"მანჩესტერ იუნაიტედმა" ზედიზედ სამჯერ ითამაშა ფრე ჩემპიონატის საშინაო მატჩებში, რაც პირველად მოხდა 1992 წლის თებერვალ-აპრილის შემდეგ. "ოლდ ტრაფორდზე" ზედიზედ ოთხი ფრე გუნდმა უკანასკნელად 1980 წლის ნოემბერ-დეკემბრის პერიოდში ითამაშა, როცა სერია 5 მატჩამდე გაგრძელდა.

14 ტურის შემდეგ გუნდს 21 ქულა აქვს. ეს პრემიერ ლიგაში "იუნაიტედის" მიერ დაფიქსირებული ყველაზე ცუდი შედეგია.

"ტოტენჰემი"

მე-5 ადგილი, 27 ქულა

ბოლო ხუთი შეხვედრა: ფ-ფ-მ-წ-მ

"დეზებს" პრემიერ ლიგის ბოლო 4 გასვლითი მატჩი არ მოუგიათ.

"ტოტენჰემის" მთავარი მწვრთნელის პოსტზე "იუნაიტედის" წინააღმდეგ გასვლაზე ჩატარებული 4 მატჩიდან პოჩეტინოს არცერთი არ მოუგია.

მოთამაშეების შესახებ ცნობები და პოტენციური რეკორდები

"მანჩესტერ იუნაიტედი"

წამყვანი ბომბარდირები: იბრაჰიმოვიჩი - 13 გოლი (8 ლიგაში).

უეინ რუნიმ "ოლდ ტრაფორდზე" პრემიერ ლიგის მატჩებში 100 გოლი გაიტანა. ერთადერთი ფეხბურთელი, რომელმაც ერთ სტადიონზე გატანილი გოლების რაოდენობით 100-ს გადააჭარბა, "არსენალის" ყოფილი მოთამაშე ტიერი ანრია, რომელმაც "ჰაიბერიზე" 114 გოლის გატანა მოახერხა.

"მანჩესტერ იუნაიტედის" კაპიტან უეინ რუნის კიდევ 1 გოლის გატანა სჭირდება იმისათვის, რომ სერ ბობი ჩარლტონთან ერთად კლუბის ყველა დროის საუკეთესო ბომბარდირის წოდება გაიყოს.

"ტოტენჰემი" ერთ-ერთი გუნდია პრემიერ ლიგის იმ შვიდი გუნდიდან, რომელსაც უეინ რუნიმ 10-ზე მეტი გოლი გაუტანა.

ზლატან იბრაჰიმოვიჩმა 2012/13 წლების სეზონიდან დღემდე საფრანგეთისა და ინგლისის ჩემპიონატებში ჩატარებულ 70 საშინაო მატჩში 71 გოლი გაიტანა.

ინგლისის, ესპანეთის, იტალიისა და საფრანგეთის ჩემპიონატების მასშტაბით დეკემბერში ჩატარებულ 34 მატჩში იბრაჰიმოვიჩმა 34 გოლი გაიტანა.

თუ მოედანზე მაიკლ კერიკი გავა, თავისი ყოფილი გუნდის წინააღმდეგ ითამაშებს.

"ტოტენჰემი"

წამყვანი ბომბარდირები: კეინი - 9 გოლი (7 ლიგაში).

ჰარი კეინმა პრემიერ ლიგაში მოასპარეზე 24 მოწინააღმდეგიდან 21-ს გაუტანა გოლი, მაგრამ "წითელი ეშმაკების" კარი ჯერ არ დაულაშქრია "იუნაიტედის" წინააღმდეგ ჩატარებულ 5 მატჩში". "წითლების" გარდა კეინს გოლი არ გაუტანია "უოტფორდის" (2 მატჩი) და "კარდიფის" (2 მატჩი) კარში.

კეინმა პრემიერ ლიგის ბოლო 6 მატჩში 7 გოლი გიატანა, მანამდე კი 5 მატჩში ვერ გაქონდა გოლი.

პრემიერ ლიგის ეგიდით დეკემბერში ჩატარებულ ბოლო 10 მატჩში კეინმა 8 გოლი გაიტანა და 1 საგოლე გადაცემა გააკეთა.

"ტოტენჰემს" საშუალოდ ყველაზე ახალგაზრდა სასტარტო შემადგენლობა ჰყავს პრემიერ ლიგაში - 25 წელი და 238 დღე.

ურთიერთშეხვედრები

გუნდები ერთმანეთს ყველა ტურნირზე 184 მატჩში შეხვდნენ. "იუნაიტედმა" 86-ჯერ იმარჯვა, "ტოტენჰემმა" 49-ჯერ, 49 მატჩი ფრედ დასრულდა.

"მანჩესტერ იუნაიტედმა" "დეზების" წინააღმდეგ პრემიერ ლიგაში ჩატარებული ბოლო 8 მატჩიდან მხოლოდ 2 მოიგეს: +2=3-3

2016 წლის აპრილში "უაით ჰარტ ლეინზე" დაფიქსირებული ანგარიში 3-0 ყველაზე დიდი გამარჯვებაა "ტოტენჰემისა", რომელიც "მანჩესტერ იუნაიტედზე" მოიპოვა 1996 წლის იანვრის შემდეგ.

თუმცა, "ტოტენჰემმა" "ოლდ ტრაფორდზე" პრემიერ ლიგის ეგიდით გამართული ბოლო 19 მატჩი წააგო (+2=3-19) - მეტი, ვიდრე ნებისმიერ სხვა სტადიონზე.

"დეზებმა" "ოლდ ტრაფორდზე" ჩემპიონატის ეგიდით ჩატარებული ბოლო 26 მატჩიდან მხოლოდ 2 მოიგო - 2012 წლის სექტემბერში და 2014 წლის იანვარში.

პრემიერ ლიგის ეგიდით "იუნაიტედსა" და "ტოტენჰემს" შორის გამართულ ბოლო 4 მატჩში სტუმარმა გუნდმა გოლი ვერ გაიტანა.

სახლში და გასვლაზე

ლიგა: "იუნაიტედი" - 78 მოგება, "ტოტენჰემი" - 38 მოგება, ფრე - 42.

პრემიერ-ლიგა: "იუნაიტედი" - 31 მოგება, "ტოტენჰემი" - 6 მოგება, ფრე - 11.

"იუნაიტედის" სტადიონზე

ლიგა: "იუნაიტედი" - 53 მოგება, "ტოტენჰემი" - 6 მოგება, ფრე -11.

პრემიერ-ლიგა: "იუნაიტედი" - 19 მოგება, "ტოტენჰემი" - 2 მოგება, ფრე - 3.

უკანასკნელი შეხვედრა "ოლდ ტრაფორდზე"

"მანჩესტერ იუნაიტედი" 1 - 0 "ტოტენჰემი"

თარიღი: შაბათი, 8 აგვისტო, 2015
მსაჯი: ჯონათან მოსი
გოლი "იუნაიტედის" რიგებში: უოკერი 22' (ავტოგოლი)

გუნდების შემადგენლობები

მატჩში დაფიქსირებული სტატისტიკური მონაცემები

მსაჯთა ბრიგადა:

მთავარმა მსაჯმა, ბობი მედლი მიმდინარე სეზონში ყველა ტურნირზე 12 მატჩი განსაჯა, 58 ყვითელი და 2 წითელი ბარათი აჩვენა.

გვერდითი მსაჯები: მაიკ მაკდონო, მარკ პერი
სათადარიგო მსაჯი: მაიკ ჯონსი

პრომო