"მანჩესტერ იუნაიტედმა" სტუმრად "ზარია" დაამარცხა და ევროპა ლიგის პლეი-ოფის საგზური მოიპოვა.

ჟოზე მოურინიოს გუნდმა უკრაინაში მეტოქეს 2 უპასუხო ბურთი გაუტანა ჰენრიხ მხითარიანისა და ზლატან იბრაჰიმოვიჩის ძალისხმევის შედეგად, თუმცა ეს საკმარისი არ აღმოჩნდა A ჯგუფში პირველი ადგილის დასაკავებლად.

"წითელ ეშმაკებს" 1 ქულაც აძლევდა ჯგუფის გასვლის გარანტიას და წაგებაც კი, იმ შემთხვევაში, რამეთუ "ფეიენოორდმა" თავისი მატჩი ჯგუფის ლიდერ "ფენერბაჰჩესთან" წააგო.

მატჩში დაფიქსირებული შედეგების თანახმად, "მანჩესტერ იუნაიტედმა" მეორე ადგილი დაიკავა, ხოლო "ფენერბაჰჩემ" პირველი, რაც შეეხება "ფეიენოორდსა" და "ზარიას", ისინი ევროტურნირზე ასპარეზობას მიმდინარე სეზონში ვეღარ შეძლებენ.

ევროპა ლიგის 1/16 ფინალური ეტაპის კენჭისყრა ორშაბათს თბილისის დროით 16 საათზე გაიმართება და სწორედ მის შედეგად გაირკვევა "წითლების" მომდევნო მეტოქე.