"მანჩესტერ იუნაიტედს" ფრეც კი აძლევს 1/16 ფინალში გასვლის გარანტიას. იმავე შედეგს შეიძლება მიაღწიონ წაგების შემთხვევაშიც, მაგრამ ამავე დროის "ფეიენოორდთამ" "ფენერბაჰჩესთან" ქულები უნდა დაკარგოს. "ზარიას" უკვე აღარ აქვს პლეი-ოფში მოხვედრის შანსი, თუმცა ეს არ ნიშნავს, რომ A ჯგუფის ბოლო მატჩს უინტერესოდ მოეკიდება.



მიმდინარე სეზონამდე გუნდები უეფა-ს ტურნირებზე ერთმანეთს არ შეხვედრიან. "ზარია" მეორედ ეთამაშება ინგლისურ კლუბს, მიმდინარე ჯგუფური ეტაპის მეორე ტურის მატჩში ისინი "ოლდ ტრაფორდზე" 1-0 დამარცხდნენ.

"იუნაიტედი" უკრაინული კლუბების წინააღმდეგ ზედიზედ ექვს მატჩში არ დამარცხებულა - 5მ და 2ფ. "ოლდ ტრაფორდზე" "წითლებმა" ოთხი მატჩი მოიგეს და მათში არცერთი გოლი არ გაუშვიათ.

ფაქტები გუნდების შესახებ

"ზარია" პირველად მოხვდა ევროტურნირის ძირითად ბადეში.

"ზარია" მეხუთე ტურში "ფენერბაჰჩესთან" 0:2 დამარცხდა - ეს ყველაზე დიდი ანგარიშით წაგებაა იმ ექვს მარცხს შორის, რაც გუნდს ევრუტურნირებზე განუცდია.




"იუნაიტედი" პირველად ასპარეზობს უეფა-ს თასის/ევროპის ლიგის ჯგუფურ ეტაპზე.

მანჩესტერელებს არასდროს მოუგიათ უეფა-ს თასი/ევროპის ლიგა.



ლუგანსკსა და მანჩესტერს 2900 კილომეტრი აშორებთ. მანძილი ოდესამდე, სადაც "ზარია" თავის საშინაო ევრომატჩებს ატარებს, შედარებით ნაკლებია - 2500 კილომეტრი.

ზლატან იბრაჰიმოვიჩს უეფა-ს თასზე/ევროპის ლიგაზე 2001 წლის შემდეგ არ უთამაშია. მაშინ შვედი "აიაქსის" რიგებში გამოდიოდა, რომლის შემადგენლობაშიც უეფა-ს თასის ხუთ შეხვედრაში ორჯერ გამოიჩინა თავი.

უეინ რუნიმ მეხუთე ტურის მატჩში "ფეიენოორდის" კარი აიღო, რის შემდეგაც "იუნაიტედის" საუკეთესო ბომბარდირი გახდა ევროტურნირზე.

დონეცკის "შახტიორის" რიგებში ასპარეზობისას ჰენრიხ მხითარიანმა "ზარიას" წინააღმდეგ ჩატარებულ 4 მატჩში 3 გოლი გაიტანა.

გუნდების მწვრთნელები

ჟოზე მოურინიომ "იუნაიტედი" გასულ ზაფხულს ჩაიბარა. პორტუგალიელმა "პორტუ" უეფა-ს თასისა და ჩემპიონთა ლიგის გამარჯვებული გახადა, მოგვიანებით კი ეს უკანასკნელი ტურნირი "ინტერთან" ერთად მოიგო. მოურინიო ორჯერ გახდა "ჩელსის" მთავარი მწვრთნელი და ამ პერიოდში სამჯერ მოიგო პრემიერ ლიგა.

ამ ტურნირზე მოურინიო უკანასკნელად 2002/03 წლებში მონაწილეობდა. მაშინ მისმა "პორტუმ" უეფა-ს თასის ფინალში "სელტიკს" 3:2 სძლია.

2011 წლის ნოემბერში "ზარიას" მწვრთნელი იური ვერნიდუბი გახდა, რომელიც მანამდე მწვრთნელის ასისტენტად მუშაობდა, ხოლო გასულ სეზონში მან გუნდი უკრაინის ჩემპიონატში მეოთხე ადგილზე გაიყვანა. 1999 წელს ფეხბურთელის კარიერის მიწურულს, ვერნიდუბი რუსეთის თასის მფლობელი გახდა "ზენიტის" შემადგენლობაში.

იური ვერნიდუბის შვილი ვიტალი "გაბალას" შემადგენლობაში ასპარეზობს, რომელიც ასევე თამაშობს ევროპის ლიგაზე.

გუნდების ბოლო შედეგები თავისი ქვეყნების ჩემპიონატის ბოლო მატჩებში:

24.09.2016. "ზარია" - "დნეპრი" 2-3 (ბეზბოროდკო 57, კარავაევი 61 - კოჩერგინი 14, 79; ლუჩკევიჩი 24)

"ზარია": შევჩენკო, სივაკოვი, გრეჩიშკინი, ოპანესენკო, სობოლი, იარმაში (ლიპარტია 25'), ხარატინი, კარავაევი, პეტრიაკი, ლიუბენოვიჩი (პაულინიო 81), ბეზბოროდკო (კულაჩი 76)

მდგომარეობა ჩემპიონატში: მე-3 ადგილი, 31 ქულა

24.09.2016. "ევერტონი" - "იუნაიტედი" 1:1 (ბეინსი 89' (პენალტი) - იბრაჰიმოვიჩი 29'

"იუნაიტედი დე ხეა, ვალენსია, როხო, ჯონსი, დარმიანი, მხითარიანი (ფელაინი, 85), პოგბა, ერერა, კერიკი, მარსიალი (რეშფორდი 83') იბრაჰიმოვიჩი.

მდგომარეობა ჩემპიონატში: მე-6 ადგილი, 21 ქულა.