ჯესი ლინგარდი ჯერ კიდევ ყოყმანობს "მანჩესტერ იუნაიტედთან" ახალი შეთანხმების გაფორმებაზე, მიუხედავად იმისა, რომ შეთავაზებული ახალი კონტრაქტით იგი კვირაში 60 ათას ფუნტს მიიღებს.

ახალი 5-წლიანი კონტრაქტი 23 წლის ფეხბურთელის ამჟამინდელ 30 ათას ფუნტიან ხელფასს გააორმაგებს, მაგრამ ლინგარდი ხელის მოწერას არ ჩქარობს, თუმცა არა იმიტომ, რომ "ოლდ ტრაფორდის" დატოვება სურს.

ვინგერი და მისი მრჩეველი კარგად აცნობიერებენ, რომ კლუბის საშუალო შემოსავალი გაცილებით მეტია, ვიდრე შეთავაზებული თანხა. ამიტომაც ისინი იმავე თანხას უმიზნებენ, რასაც ლინგარდის თანატოლი ჰარი კეინი იღებს - 100 ათასი ფუნტი კვირაში.

მოლაპარაკებები ჯერ კიდევ მიმდინარეობს და "იუნაიტედი" მზადაა უორინგტონში დაბადებული ფეხბურთელის გარკვეული მოთხოვნილებები დააკმაყოფილოს.

ლინგარდი სკოლის ასაკიდან ირიცხება გუნდში და მან ეტაპობრივად გაიკვლია გზა პირველ გუნდამდე და ნაკრებამდე. მის ბანაკში კი სჯერათ, რომ მოედანზე ლინგარდის როლის გაზრდა ფეხბურთელს მოთხოვნილი თანხის მიღების საშუალებას მისცემს.

წყარო: dailymirror