ჟოზე მოურინიომ აღნიშნა, რომ ლუკ შოუ "ევერტონთან" მატჩს გამოტოვებს, მაგრამ პოლ პოგბა და მარუან ფელაინი გუნდს უბრუნდებიან.

ლიგის თასის მატჩში, რომელიც "იუნაიტედმა" 4-1 მოიგო, ლუკ შოუ შესვენებაზე დეილი ბლინდმა ჩაანაცვლა. პოგბა და ფელაინი კი მატჩს დისკვალიფიკაციის გამო ტოვებდნენ, რისი მოხდის შემდეგაც გუნდს დაუბრუნდებიან, თუმცა "გუდისონ პარკზე" ვერ ითამაშებს "ევერტონის" ყოფილი ფეხბურთელი უეინ რუნი, რომელიც ასევე ხუთი ყვითელი ბარათის მიღების გამო იუქმებს.

"ლუკ შოუს ტრავმა სამწუხაროა. მისი განვითარების პროცესში ვიყავით - ბევრი რამ აქვს სასწავლი, ამისთვის კი დიდი პოტენციალი გააჩნია, რის გამოც 90 წუთის მიცემა გვინდოდა. არა ზედიზედ მატჩებში, მაგრამ "ფეიენოორდთან", შემდეგ ერთ კვირაში 90 წუთი "ვესტ ჰემთან", თუმცა პატარა ტრავმა მიიღო.

გუნდში ძალიან კარგი მდგომარეობა გვაქვს ტრავმების მხრივ - მხოლოდ ორი ცენტრალური მცველი და ლუკი. ამ რთულ სეზონში, რომელშიც ბევრი მატჩი გვაქვს ჩასატარები, ყველა კარგად შრომობს. საბედნიეროდ, თასის ტურნირზე მომდევნო ეტაპზე გავედით და სეზონის მეორე ნაწილში უფრო მეტი სათასო მატჩი გვექნება.

რუნის არყოფნა იმავე მიზეზით არის გამოწვეული, რომელმაც იბრას "არსენალის", პოლ პოგბასა და მარუან ფელაინის კი "ვესტ ჰემის" წინააღმდეგ თამაშის საშუალება არ მისცა. მაგრამ, კარგი, შეცდომას ყველა უშვებს და ამაში პრობლემას ვერ ვხედავ", - განაცხადა მოურინიომ.

წყარო: manutd.com