ძალიან რთული იყო ნოემბრის თვეში "მანჩესტერ იუნაიტედის" ფეხბურთელებიდან ტრიოს არჩევა, რადგან ცხრა სხვადასხვა ფეხბურთელი იმსახურებდა ნომინაციაზე წარდგენას.

მაგრამ კლუბის ოფიციალურმა საიტმა მაიკ კერიკი, ზლატან იბრაჰიმოვიჩი და ანტონიო ვალენსია შეარჩია, რომელთა ასარჩევად ხმა უნდა მისცეთ online poll-სა და Twitter-ზე.

მაიკ კერიკი - 4 მატჩი

გამოცდილმა ნახევარმცველმა მის მიერ ჩატარებულ მატჩებში მოპოვებულ სამ გამარჯვებასა და "არსენალთან" ფრეში გუნდს ბალანსი და საიმედოობა შემატა. ჟოზე მოურინიომ ღიად განაცხადა, თუ რატომ ნანობის, რომ კერიკი 35 წლისაა, რადგან მის მშვიდ გავლენასა და უნარებს ძალიან აფასებს.

ზლატან იბრაჰიმოვიჩი - 4 (1) მატჩი / 5 გოლი, 2 ასისტი

მიუხედავად იმისა, რომ შვედმა "მეთოფეებთან" მატჩი დისკვალიფიკაციის გამო გამოტოვა, ზლატანმა მაინც მოახერხა 5 გოლის გატანა ნოემბერში და თითქმის შემატა კიდევ ერთი, როცა "ფეიენოორდის" მეკარე ბრედ ჯონსს საკუთარ კარში ჩააჭრევინა გადაცემა. "სუონსის" სიტის კარში შესრულებული დუბლით დაიწყო მისი გოლების ათვლა, რასაც მოგვიანებით "ვესტ ჰემთან" ჩატარებულ ორ მატჩში დაურთო სამი გოლი.

ანტონიო ვალენსია - 4 მატჩი / 2 ასისტი

ტრავმის მოშუშების შემდეგ ანტონიო ვალენსია ზედიზედ მეორე თვეა კარგ ფორმას აჩვენებს. დაცვისა და ნახევარდაცვის მარჯვენა ფლანგზე მისი გავლენა უთუოდ შესამჩნევია, რაც გუნდის კრეატიულობასა და თავდაცვის უნარზე დადებითად ისახება. მის ანგარიშზე ორი საგოლე გადაცემაა - "ფეიენოორდთან" მატჩში ჯესი ლინგარდის, ხოლო "ვესტ ჰემთან" ენტონი მარსიალისთვის მიწოდებული პასები.

ვის მიეცით ხმა

მაიკლ კერიკი

ზლატან იბრაჰიმოვიჩი

ანტონიო ვალენსია

ხმის მიცემა შედეგები