ჯეიმი კარაგერი ფიქრობს, რომ ჟოზე მოურინიო თავისი წინამორბედის შედეგს ვერ აღწევს, რამეთუ ლუი ვან გაალი დიდ მატჩებს იგებდა.

"იუნაიტედმა", მიუხედავად იმისა, რომ სტილთან დაკავშირებით ხშირად აკრიტიკებდნენ, წინა სეზონის ამ ეტაპზე უფრო მეტი გოლი გაიტანა, მიმდინარე სეზონში კი გუნდს რეალიზაციის პრობლემა აქვს, რაც "ვესტ ჰემთან" მატჩში კიდევ ერთხელ დამტკიცდა.

ეს შედეგი (1:1) "ბანლისა" და "არსენალთან" იმავე მიზეზით განცდილ იმედგაცრუებას მოჰყვა. კარაგერი კი ფიქრობს, რომ ჰოლანდიელი სპეციალისტის გუნდი სანახაობრივ ფეხბურთს არა, მაგრამ შედეგიანს თამაშობდა.

"გუნდი უკეთეს შედეგს უნდა იღებდეს, ვიდრე აქვს. ამ სეზონში ბევრი შანსი ვერ გამოიყენეს, რაც ბოლო წლების ფეხბურთში დიდი ნაკლია.

"იუნაიტედის" გულშემატკივარი შარშან იმედგაცრუებული იყო თამაშით, მაგრამ შედეგი უკეთესი იყო. და სულერთია, რას იტყვით ლუი ვან გაალის შესახებ, დიდ მატჩებში მას ყოველთვის ჰქონდა კარგი შედეგი.

ჟოზე მოურინიოზეც შეიძლება იმავეს თქმა, მაგრამ ბოლო წლების განმავლობაში მოუკლო. წარმატების გზას მალე უნდა დაუბრუნდნენ", - განაცხადა "ლივერპულის" ყოფილმა მცველმა.

წყარო: goal.com