ჟოზე მოურინიო იანვარში "ჩელსიდან" ვილიანის გადაბირებას აპირებს.

პორტუგალიელი სპეციალისტი 28 წლის ფეხბურთელის გულშემატკივარია და "სტემფორდ ბრიჯზე" მისი ყოფნის დროს ბრაზილიელი გუნდის რეგულარულ წევრად ითვლებოდა.

თუმცა, 40 მლნ. ფუნტად შეფასებული ფეხბურთელი სულ სხვა ვითარებაში იმყოფება ანტონიო კონტეს ხელმძღვანელობისას.

იტალიელი სპეციალისტის 3-4-3 სქემაში ნახევარდაცვაში პედრო, ხოლო მარჯვენა ფლანგზე ვიქტორ მოზესი გვევლინება.

ვილიანს - "ლურჯების" წლის საუკეთესო ფეხბურთელს გასულ სეზონში - "ჰალ სიტისთან" 1 ოქტომბრის მატჩის შემდეგ არ უთამაშია სასტარტო შემადგენლობაში.

ტრავმამ და დედის გარდაცვალებამ მისი ვითარების გართულებას შეუწყო ხელი. თუმცა, სანაკრებო მატჩების ჩატარების შემდეგ ვილიანი "ჩელსის" განაცხადშიც კი არ მოხვედრილა "მიდლსბროსთან" წინა კვირას გამართული მატჩისთვის.

"ჩელსისა" და "იუნაიტედს" თანამშრომლობის ისტორია უკვე აქვთ - ორი წლის წინ იანვრის სატრანსფერო ფანჯარაზე ხუან მატა სწორედ "სტემფორდ ბრიჯის" დატოვების შემდეგ აღმოჩნდა "ოლდ ტრაფორდზე".

წყარო: dailystar