"მანჩესტერ იუნაიტედის" ლეგენდა პოლ სქოულზი ფიქრობს, რომ კლუბმა ანტუან გრიზმანი მთავარ სატრანსფერო სამიზნედ უნდა დაისახოს.

გრიზმანს, რომელმაც ევროპის ჩემპიონატზე გატანილი 6 გოლით ოქროს ბუცი მოიგო, ხშირად უწინასწარმეტყველებენ მადრიდის "ატლეტიკოს" დატოვებას.

"იუნაიტედისა" და "ფენერბაჰჩეს" მატჩის წინ კი სქოულზმა თავის ყოფილ კლუბს ფრანგის შეძენისკენ მოუწოდა.

"ვფიქრობ, გრიზმანი კარგი იქნებოდა", - უპასუხა პოლმა, როცა ჰკითხეს, ვინ უნდა ჩაანაცვლოს ზლატან იბრაჰიმოვიჩი.

"ატლეტიკოში" ტოპ ფორვარდად იქცა. სატრანსფერო ბაზარზე ვინმე ასეთი უნდა შევიძინოთ".

წყარო: goal.com