ჟოზე მოურინიოს "მანჩესტერ იუნაიტედის" გაძლიერება იანვრის სატრანსფერო ფანჯარაზე ორი მცველის შეძენით სურს.

პორტუგალიელი სპეციალისტი "იუნაიტედის" აღმასრულებელი დირექტორის, ედ ვუდვორდისგან იმის გარანტიას ითხოვს, რომ მის მიერ მოთხოვნილი ფეხბურთელების გადაბირება შესაძლებელი იქნება.

მოურინიოს სიის სათავეში 40 მლნ. ფუნტად შეფასებული დავიდ ალაბა მოექცა, რომელიც ასევე "მანჩესტერ სიტის" მთავარ მწვრთნელს, პეპ გვარდიოლას სურს.

მოურინიომ ორჯერ გაგზავნა სკაუტები სანაკრებო პაუზის დროს ალაბაზე დასაკვირვებლად.

24 წლის ავსტრიელი "ბაიერნის" რიგებში მარცხენა მცველის პოზიციაზე თამაშობს, რაც "იუნაიტედის" პრობლემატური პოზიციაა მიმდინარე სეზონში, თუმცა ნახევარდაცვაში მოქმედებაც შეუძლია.

"ბაიერნი" იანვარში ფეხბურთელის თაობაზე არავითარი წინადადების განხილვას არ აპირებს, თუმცაღა მას "არსენალის" სახით კიდევ ერთი მთხოვნელი ჰყავს.

"წითელმა ეშმაკებმა" უკვე დახარჯეს 150 მლნ. ფუნტი გასულ ზაფხულს, როცა მსოფლიოს ყველაზე ძვირადღირებულ ფეხბურთელ პოლ პოგბასთან ერთად ერიკ ბაიი და ჰენრიხ მხითარიანი გადაიბირეს.

თუმცა, "იუნაიტედის" მწვრთნელი დანახარჯებს არც ზამთარში მოერიდება, რადგან მიაჩნია, რომ დაცვის ხაზის გაძლიერების გარეშე გუნდი პირველ ოთხეულში ვერ შეაღწევს.

მეორე მცველი, რომლის გადაბირებასაც "ოლდ ტრაფორდის" მკვიდრები გეგმავენ, ვირჯილ ვან დაიკია, თუმცა მისი გამოსასყიდი თანხა 30 მლნ. მილიონი ფუნტი იქნება.



ალაბას ავსტრიელი თანაგუნდელი, ლევერკუზენის "ბაიერის" ცენტრალური მცველი ალექსანდრ დრაგოვიჩი ასევე მოექცა მოურინიოს რადარზე, რამეთუ ჟოზე დაცვის ცენტრალური ხაზითაც უკმაყოფილოა.

მოურინიო ეჭვქვეშ დააყენა ლუკ შოუსა და კრის სმოლინგის მენტალური სიმყარე, ხოლო მატეო დარმიანისა და მარკოს როხოს მომავალი კვლავ ბუნდოვანია.

ამის გამოსასწორებლად მოურინიო მცველების გადაბირებას მიჰყოფს ხელს, მითუმეტეს, რომ ერიკ ბაიი ტრავმირებულია.



წყარო: metro