მემფის დეპაიმ "ევერტონში" გადასვლა არ გამორიცხა, მაგრამ იქვე აღნიშნა, რომ მხოლოდ "მანჩესტერ იუნაიტედში" თამაშზე ფიქრობს.

22 წლის ვინგერს აქტიურად უკავშირებენ ლივერპულულ გუნდს და "კანფეტების" მთავარმა მწვრთნელმაც დაადასტურა, რომ მემფისს სიამოვნებით იხილავდა თავისი გუნდის რიგებში.

ლუქსემბურგის ნაკრებთან გამარჯვების შემდეგ - სადაც დეპაიმ დუბლი შეასრულა - ვინგერი ჟურნალისტებს გაესაუბრა და ცხადყო, რომ "იუნაიტედში" თამაშზეა კონცენტრირებული.

"არ ვიცი, ყველაფერი გამოჩნდება. მე "იუნაიტედზე" ვარ კონცენტრირებული და სათამაშო წუთების მისაღებად მაქსიმუმს ვაკეთებ.

"იუნაიტედში" კარგი შეგრძნებით ვბრუნდები, რადგანაც აქ სათამაშო დრო მივიღე და გავიმარჯვეთ. ეს არის ყველაზე მნიშვნელოვანი", - განაცხადა ლუქსემბურგთან მატჩში დუბლის ავტორმა.

წყარო: goal.com