"ევერტონი" მზად არის, "მანჩესტერ იუნაიტედის" ვინგერი მემფის დეპაი მიმდინარე სეზონის მეორე ნახევარში იჯარის წესით თავის რიგებში გადაიბიროს.

22 წლის ჰოლანდიელმა ჟოზე მოურინიოს გუნდში მხოლოდ ექვსი მატჩი ჩაატარა და როგორც მოსალოდნელია, მის გასხვისებას პორტუგალიელი დიდად არ შეეწინააღმდეგება.

Liverpool Echo-ს მტკიცებით, განსხვავებული დამოკიდებულება აქვს თანამემამულის მიმართ რონალდ კუმანს, რომელსაც დეპაის ხილვა თავისი გუნდის რიგებში სურს.

მეტიც, კუმანი სპეციალურად გაემგზავრა ამსტერდამში, რათა ბელგიის ნაკრებთან მატჩში დეპაის თამაშისთვის თვალი ედევნებინა. რონალდი დარწმუნებულია, რომ ნიჭიერი ფეხბურთელის კარიერის რეაბილიტირებას მოახერხებს.

აქვე უნდა აღინიშნოს ისიც, რომ გასული წლის ზაფხულში რონალდი თავად გამოტყდა დეპაისადმი ინტერესი და ღიად განაცხადა, რომ პსვ-დან მის გადაბირებას ჯერ კიდევ "საუთჰემპტონში" მუშაობისას აპირებდა, მაგრამ მემფისმა "იუნაიტედის" ვარიანტი ამჯობინა.