Inside United-თან ექსკლუზიურ ინტერვიუში ზლატან იბრაჰიმოვიჩმა რამდენიმე საკითხზე ისაუბრა.

მიზანი ტიტულია

იბრაჰიმოვიჩმა ყველგან მოიგო ტიტული, სადაც ითამაშა, მაგრამ მის თაროს პრემიერ ლიგის თასი აკლია, რისი მოპოვების იმედიც "იუნაიტედთან" ერთად აქვს.

"უუუფ, ფანტასტიკური იქნებოდა. პრემიერ ლიგა რომ მოვიგო, მომდევნო დღესვე შევწყვეტ ფეხბურთის თამაშს... თითქმის! ბოლო მატჩებში ცოტა არ გვიმართლებდა, მაგრამ გვჯერა და როცა გჯერა, ამასაც მიაღწევ. იმედი მაქვს მოვიგებ, არა, ნამდვილად მოვიგებ."

ეს უდიდესი კლუბია

ფეხბურთელი, რომელსაც "ბარსელონაში", "მილანსა" და პსჟ-ში ასპარეზობისას აქვს მოპოვებული ტიტულები (ეს სრული ჩამონათვალი არ არის, რამეთუ მის ანგარიშზე 13 ჩემპიონობაა სხვადასხვა ჩემპიონატებში), აღნიშნავს, რომ ეს კლუბი უდიდესია.

"ბევრ დიდებულ კლუბში მითამაშია, ყველა კლუბი დიდებული იყო და თუ არ იყო, როცა მე მივედი, მაშინ გახდა! ყველაფერი, რასაც აქ ვაკეთებთ, უზარმაზარია, არც ადგილობრივი, არც გლობალური, არამედ მსოფლიო მასშტაბის."

ყოველი მედალი განსაკუთრებულია

როცა 25 ჯილდო გაქვს მოგებული წარმატებული კარიერის განმავლობაში, ფავორიტის გამოყოფა რთულია - იბრასთვისაც კი. "ყველა მედალს თავისი ისტორია აქვს. რთულია თქმა, რადგან ყველა ქვეყნიდან ერთი მაინც მაქვს, სადაც ვიყავი".

მათ შორის ინგლისიდანაც. "იუნაიტედში" გადასვლის შემდეგ პირველივე ოფიციალურ მატჩში მან ქომუნითი შილდის მედალი მოიგო.



წყარო: manutd.com