თავდაჯერებულობა თუ ვინმეს აკლია, პირველ რიგში იბრაჰიმოვიჩია. ეს ფორვარდი ყოველთვის კლდესავით ძლიერი მეგონა და ვფიქრობდი, რომ შემთხვევები მის გატეხვას ვერ შეძლებდა, მაგრამ "ბარნლისთან" ერთი-ერთზე გასულმა აშკარად არასწორი გადაწყვეტილება მიიღო. ორი სხვადასხვა გადაწყვეტილებისთვის დროც ჰქონდა და სივრცეც, მან კი ყველაზე ბანალური გადაწყვეტილება მიიღო და ყველაზე ცუდად შეასრულა თანაც. იგივე შეიძლება ითქვას "ლივერპულთან" პოგბას ჩაწოდების შემდეგ თავით ბურთის კარში გადაგზავნის ნაცვლად კარის გასწვრივ ჩაწოდების შესახებ. "ბარნლისთან" ბოლო წუთებზე ბურთისთვის ფეხის აცილების შესახებ, "სტოკთან" მეკარის პირისპირ გასვლისას ახლო კუთხეში დარტყმის შესახებ (თუმცა ეს უფრო ცრუ მოძრაობის ტოლფასი იყო).

საფრანგეთიდან მოდიხარ ახალ ჩემპიონატში და ხედავ, რომ აქ მეკარეები რაღაც საოცრებებს ჩადიან, ფეხბურთელებს თამაშში თავისუფლებას არ გაძლევენ, ისე ადვილად ვეღარ იტან გოლებს, როგორც გაგქონდა და ამასთან ასაკშიც ხარ. შეუძლებელია არ იფიქრო, ნუთუ მე ამ დონეს არ შევესაბამებიო.