ინგლისის საფეხბურთო ასოციაციამ "მანჩესტერ იუნაიტედის" მთავარი მწვრთნელი ჟოზე მოურინიო "ბარნლისთან" შეხვედრის შემდეგ გამოვლენილ უღირს საქციელში დაადანაშაულა.

შეგახსენებთ, რომ "ოლდ ტრაფორდზე" გამართული შეხვედრის პირველი ტაიმის დასრულებამდე მცირე ხნით ადრე მთავარმა მსაჯმა მარკ კლატენბურგმა მოურინიო მწვრთნელის სავარძლიდან გააძევა. ასეთი სასჯელი მოურინიომ მსაჯის ნამუშევრით უკმაყოფილების გამოხატვის გამო მიიღო.

"ოლდ ტრაფორდის" ტრიბუნებზე გადასული ჟოზე ვერ დამშვიდდა და შესვენებაზე კლატენბურგს კვლავ მიმართა პრეტენზიებით - ამჯერად ტრიბუნექსქვეშა განლგაგებაში ყოფნისას.



მსაჯის ანგარიშის გადახედვის შედეგად ინგლისის საფეხბურთო ასოციაციის დისციპლინარულმა კომიტეტმა მოურინიოს ოფიციალური ბრალდება წაუყენა. პორტუგალიელს პასუხის გასაცემად პარასკევს 6 საათამდე აქვს დრო.

"მსაჯის ანგარიშიდან გამომდინარე ჩანს, რომ ჟოზე მოურინიომ მარკ კლატენბურგის მისამართით შეურაცხმყოფელი გამოთქმები გამოიყენა ტრიბუნებსქვედა განლაგებაში", - ნათქვამია ასოციაციის ოფიციალურ განცხადებაში.

წყარო: mirror