დეილი ბლინდმა "ბარნლისთან" გამართულ მატჩზე ისაუბრა, რომელიც საყაიმო ანგარიშით 0:0 დასრულდა. ეს შეხვედრა დაუჯერებლად მიიჩნია, რადგან ჰიტონმა თამაში შესანიშნავად ჩაატარა, რის შედეგადაც საკუთარ კლუბს 1 ქულა მოუტანა.

"იუნაიტედმა" 37-ჯერ დაარტყა კარისკენ, ხოლო კარში 11-ჯერ, ჰიტონმა კი თერთმეტივე ბურთი მოიგერია და ბრწყინვალე შთბეჭდილება დატოვა. ზლატანმა მშვენიერი მომენტი გაანიავა მატჩის ბოლოს პოგბას დარტყმის შემდეგ და საბოლოოდ ანგარიში 0:0 დაფიქსირდა. მიუხედავად ჰიტონის საოცრებებისა ჰოლანდიელი ამტკიცებს, რომ "იუნაიტედის" ახალგაზრდები გუნდში პროდუქტიულად თამაშობენ.

"ეს დაუჯერებელი იყო, ჩვენ 15-მდე შანსი გვქონდა და რთული დასაჯერებელია, მაგრამ ფაქტია ჩვენ ვერცერთჯერ ავიღეთ "ბარნლის" კარი. ვფიქრობ, ჰიტონის სახით "ბარნლიმ" მშვენიერი მეკარე მიიღო, რადგან ჩვენი განიავებული მომენტების შემდეგ, რა თქმა უნდა, მისადმი ნდობა გაიზრდება. ის შეუდარებელი იყო, მაგრამ მიუხედავად ამისა, ჩვენ მაინც უნდა მოგვეგო აღნიშნული მატჩი" - განაცხადა ჰოლანდიელმა MUTV-სთან ინტერვიუში.

წყარო: Goal