2015 წლის აპრილის შემდეგ "ლურჯებს" პირველად აქვთ პრემიერ ლიგაში ზედიზედ სამი "მშრალი" მატჩის მოგების შანსი.

"ჩელსიმ" პრემიერ ლიგის ეგიდით ბოლო 4 საშინაო მატჩიდან 3 მოიგო - ეს იგივე რაოდენობაა, რაც "სტემფორდ ბრიჯზე" გამართულ წინა 14 შეხვედრაში მოპოვებული გამარჯვებები.




მე-7 ადგილი, 14 ქულა


უკანასკნელი 6 შეხვედრა: წ-წ-მ-ფ-ფ


"მანჩესტერ იუნაიტედს" ლონდონში 2015 წლის მაისის შემდეგ არ გაუმარჯვია. უკანასკნელად "წითლებმა" "კრისტალ პალასი" დაამარცხეს 2-1. პრემიერ ლიგის ეგიდით ლონდონში ჩატარებულ ბოლო 8 მატჩში "მანჩესტერ იუნაიტედმა" მხოლოდ 1 მოიგო (3 ფრე, 4 წაგება).

2010 წლის ოქტომბრის შემდეგ "იუნაიტედმა" შეიძლება პირველად ითამაშოს პრემიერ ლიგის ზედიზედ სამ მატჩში ფრე.

ჟოზე მოურინიომ "მანჩესტერ იუნაიტედის" მთავარი მწვრთნელის რანგში პრემიერ ლიგის საწყისი რვა მატჩიდან 2 წააგო. მისი მესამე მარცხი "ჩელსის" მთავარი მწვრთნელის რანგში პრემიერ ლიგაში ჩატარებულ 64-ე მატჩზე მოდის.

მოურინიო "სტემფორდ ბრიჯზე" ერთადერთხელ დამარცხა 2004/05 და 2014/15 წლების სეზონებს შორის - 21 ფრე, 76 მოგება.








წამყვანი ბომბარდირი: კოშტა - 7 გოლი (7 ლიგაში).

დიეგო კოშტამ "ჩელსის" შემადგენლობაში ასპარეზობისას პრემიერ ლიგაში გატანილ 50 გოლში მიიღო მონაწილეობა (39 გოლი, 11 საგოლე გადაცემა) და ამისთვის მას 62 მატჩი დასჭირდა.

ნემანია მატიჩმა პრემიერ ლიგის მიმდინარე სეზონში ჩატარებულ 8 თამაშში 3 საგოლე გადაცემა გააკეთა.




წამყვანი ბომბარდირი: იბრაჰიმოვიჩი - 6 გოლი (4 ლიგაში).

"მანჩესტერ იუნაიტედის" კაპიტან უეინ რუნის კიდევ 3 გოლის გატანა სჭირდება იმისათვის, რომ სერ ბობი ჩარლტონთან ერთად კლუბის ყველა დროის საუკეთესო ბომბარდირის წოდება გაიყოს.

გასვლით მატჩში გატანილი მომდევნო გოლი რუნის პრემიერ ლიგის საუკეთესო ბომბარდირად აქცევს მეტოქის მოედანზე გატანილი გოლების მიხედვით. ამჟამად რუნი პირველ ადგილს ალან შირერთან იყოფს 87 გოლით.

2012 წლის თებერვალში 11-მეტრიანი დარტყმიდან გატანილი 2 გოლის შემდეგ რუნიმ "ჩელსის" წინააღმდეგ პრემიერ ლიგაში 6 მატჩი ჩაატარა და არცერთხელ არ გაუტანია გოლი.

ზლატან იბრაჰიმოვიჩი პსჟ-ს შემადგენლობაში თამაშისას ჩემპიონთა ლიგის მატჩში "ჩელსის" ორჯერ დაუპირისპირდა და ორივე შეხვედრაში გაიტანა გოლი.

ურთიერთშეხვედრები

გუნდები ერთმანეთს ყველა ტურნირის ეგიდით 174-ჯერ შეხვდნენ. "მანჩესტერ იუნაიტედმა" გამარჯვება 72-ჯერ იზეიმა, "ჩელსიმ" 49-ჯერ, ხოლო 53 შეხვედრა ფრედ დასრულდა.

"ჩელსი" "იუნაიტედის" წინააღმდეგ ყველა ტურნირზე ჩატარებულ ბოლო 10 მატჩში არ მარცხდება - 5 მოგება, 5 ფრე.

"ჩელსი" პრემიერ ლიგაში "იუნაიტედის" წინააღმდეგ ბოლო 7 მატჩში არ დამარცხებულა და მხოლოდ 3 გოლი გაუშვა - 3 მოგება, 4 ფრე.

"იუნაიტედმა" "ჩელსის" სტადიონზე პრემიერ ლიგაში ჩატარებული ბოლო 14 მატჩიდან მხოლოდ 1 მოიგო - 1 მოგება, 5 ფრე, 8 წაგება.

2002 წლის შემდეგ "წითელმა ეშმაკებმა" "სტემფორდ ბრიჯზე" პრემიერ ლიგის მატჩში მხოლოდ ერთხელ იმარჯვეს, 2012 წელს ანგარიშით 2-3.

"ჩელსი" ერთადერთი გუნდია პრემიერ ლიგაში, რომელსაც "იუნაიტედთან" მოგება-წაგებათა დადებითი ბალანსი აქვს - 16 მოგება, 13 წაგება, 19 ფრე.

"ჩელსის" მიერ "იუნაიტედზე" მოპოვებული 16 გამარჯვებიდან 5 ჟოზე მოურინიოს ანგარიშზეა - მეტი, ვიდრე "ლურჯების" ნებისმიერი სხვა მწვრთნელის შედეგი.

ამ მატჩში გამარჯვება "ჩელსისთვის" 50-ე მოგება იქნება "იუნაიტედის" წინააღმდეგ ჩატარებულ მატჩში ყველა ტურნირის ჩათვლით.

ბოლო 6 მატჩში, როცა მოწინააღმდეგეები ერთმანეთს "სტემფორდ ბრიჯზე" შეხვდნენ, მსაჯებმა 4-ჯერ გააძევეს ფეხბურთელები.

ამ მატჩამდე მოურინიო და კონტე ერთმანეთს სულ ერთხელ შეხვედრიან: 2009 წლის 13 ოქტომბერს, როცა მოურინიოს "ინტერმა" 1-1 ითამაშა "ატალანტასთან", რომელსაც კონტე წვრთნიდა. თუმცა, მწვრთნელის სავარძელში არცერთი არ იჯდა, რადგან ორივე დისკვალიფიცირებული იყო.

სახლში და გასვლაზე

ლიგა: "იუნაიტედი" - 59 მოგება, "ჩელსი" - 43 მოგება, ფრე - 46.
პრემიერ-ლიგა: "იუნაიტედი" - 13 მოგება, "ჩელსი" - 16 მოგება, ფრე - 19.



ლიგა: "ჩელსი" - 24 მოგება. "იუნაიტედი" - 30 მოგება, ფრე - 19.

პრემიერ-ლიგა: "ჩელსი" - 10 მოგება. "იუნაიტედი" - 5 მოგება, ფრე - 15

წინა ანალოგიური შეხვედრა

"ჩელსი" 1-1 "მანჩესტერ იუნაიტედი"

თარიღი: 7 თებერალი, 2016 წელი
მსაჯი: მაიკლ ოლივერი
გოლი "ჩელსის" რიგებში: კოშტა 90+1'
გოლი "იუნაიტედის" რიგებში: ლინგარდი 61'

მსაჯთა ბრიგადა

მთავარმა მსაჯმა მარტინ ატკინსონმა მიმდინარე სეზონში პრემიერ ლიგაში 9 მატჩში იმსაჯა, 30 ყვითელი და 1 წითელი ბარათი აჩვენა.

გვერდითი მსაჯები: სტივენ ჩაილი, საიმონ ბარტი
სათადარიგო არბიტრი: ანდრე მარინერი