დღეს პრემიერ ლიგის მე-8 ტურის ცენტრალური შეხვედრა "ენფილდზე" გაიმართა, სადაც ადგილობრივმა "ლივერპულმა" "მანჩესტერ იუნაიტედი" მიიღო. შეხვედრამ მოლოდინი ვერ გაამართლა და ფრედ, 0-0 დასრულდა.
"ენფილდზე" შეკრებილმა მაყურებელმა ორივე გუნდის მხრიდან მხოლოდ 4 ზუსტი დარტყმა იხილა. აღსანიშნავია დე ხეას ბრწყინვალე თამაში, ესპანელმა მეკარემ გუნდი გოლისგან ორჯერ იხსნა. დე ხეამ სულ 3 სეივი მიითვალა.
გუნდების 197-ე შეხვედრაში 53-ე ფრე დაფიქსირდა. 8 ტურის შემდეგ "იუნაიტედი" 14 ქულით მე-7 ადგილს იკავებს.