"მანჩესტერ იუნაიტედის" ლეგენდარულმა ფეხბურთელმა რაიან გიგზმა პირობა დადო, რომ "წითელი ეშმაკების" ისტორიულ მეტოქეს, "ლივერპულს" არასდროს გაწვრთნის.

გასულ კვირას 42 წლის უელსელი "სუონსის" წარმომადგენლებს შეხვდა, რის შემდეგაც განაცხადა, რომ "გედების" ამბიციებმა არ დააკმაყოფილა. შეკითხვაზე, თუ ვის გაწვრთნას ინატრებდა, მან ორი ვარიანტი დაასახელა - "მანჩესტერ იუნაიტედი" და უელსის ნაკრები.

ამავე დროს გიგზი "იუნაიტედის" გულშემატკივრებს დაპირდა, რომ "ლივერპულს" არასდროს უხელმძღვანელებს.

"არ მინდა, "ლივერპულის" მიმართ უპატივცემულობა გამოვიჩინო, მაგრამ უბრალოდ ვუპასუხებდი: "არა". ახალი მეგობრები არ მჭირდება.

"ლივერპული" - ეს არის გუნდი, რომელიც ჩემთვის უმთავრესი მეტოქე იყო. ფანტასტიკური კლუბი ჰყავთ, მაგრამ "ლივერპულსა" და "მანჩესტერ იუნაიტედს" შორის მეტისმეტად დიდი მეტოქეობაა იმისათვის, რომ ამ სამუშაოზე ვიფიქრო.

დარწმუნებული ვარ, სტივენ ჯერარდიც ამასვე იტყოდა "მანჩესტერ იუნაიტედთან" შესაძლო თანამშრომლობაზე. უბრალოდ იტყვის: "არა", - განაცხადა გიგზმა.

წყარო: espn