"მანჩესტერ იუნაიტედის" მარცხენა მცველმა, მარკოს როხომ პირობა დადო, რომ "ოლდ ტრაფორდზე" დარჩენისა და გუნდის მთავარ შემადგენლობაში მოსახვედრად იბრძოლებს.

მიმდინარე სეზონის სტარტზე როხომ "იუნაიტედის" შემადგენლობაში ყველა ტურნირზე მხოლოდ სამი მატჩი ჩაატარა. არგენტინელი ლუკ შოუსა და დეილი ბლინდის კონკურენციას ვერ სძლევს, თუმცა ამის გამო კლუბიდან წასვლაზე არ ფიქრობს.

"ჩემს მომავალთან დაკავშირებით ბევრი ჭორი დადის, მაგრამ კლუბში მოსვლის პირველსავე დღეს ჟოზე მოურინიომ მითხრა, რომ ჩემი იმედი აქვს. ერთმანეთს კარგად ვუგებთ.

მომწონს მისი მიდგომა და ფიქრები ფეხბურთელების მიმართ. საქმისადმი მისი მიდგომით გაოცებულიც კი ვიყავი. ახლა ბევრს ვიშრომებ, რათა სათამაშო პრაქტიკა დავიმსახურო. ეს ყველაფერია, რაც მინდა.

გავიმეორებ, ჟოზესთან კარგი ურთიერთობა მაქვს, ერთად დიდ დროს ვატარებთ. ესპანურად და იტალიურად საუბრობს, სულ ხუმრობს", - განაცხადა როხომ.