"მანჩესტერ სიტის" ახალწვეული ილქაი გიუნდოგანი "იუნაიტედს" უპატივცემულობაში ადანაშაულებს და თვლის, რომ კლუბი ბასტიან შვაინშტაიგერს მეტად უნდა აფასებდეს.

შვაინშტაიგერი გასულ სეზონში ლუი ვან გაალმა შეიძინა, თუმცა მიმდინარე სეზონში, ის ჟოზე მოურინიოს გეგმის ნაწილს არ წარმოადგენს - გერმანელი პირველ გუნდთან ერთადაც კი არ ვარჯიშობს.

"მჯერა, რომ "მანჩესტერ იუნაიტედს" 100 პროცენტიანი სარგებლის მიღება შეუძლია ფორმაში მყოფი ბასტიანისგან. თუ ყველაფერი, რასაც ვკითხულობთ სიმართლეა, "იუნაიტედი" მის მიმართ უპატივცემულობას იჩენს. შვაინშტაიგერი უბრალო ფეხბურთელი არ არის, არც 18 ან 19 წლისაა.

არ შემიძლია ბასტიანის სანაკრებო კარიერის დასრულება პოზიტიურად ან ნეგატიურად შევაფასო, ეს მისი გადაწყვეტილებაა. გერმანიის ნაკრები მადლიერია, რომ ასეთი შესანიშნავი მოთამაშე გვყავდა" - აცხადებს გიუნდოგანი.

წყარო: manutd.com