ჟოზე მოურინიო განაცხადა, რომ ფილ ჯონსი აუცილებლად გამოტოვებს "მანჩესტერ იუნაიტედისა" და "სტოკ სიტის" მატჩს, ამავდროულად კი იმედი გამოთქვა, რომ ჰენრიხ მხითარიანი და ლუკ შოუ მოედანზე დაბრუნებას შეძლებენ.

"ფილ ჯონსი ერთადერთია, რომელსაც მძიმე ტრავმა აქვს და კიდევ ბევრი კვირა დასჭირდება დასაბრუნებლად. მიკი გუნდთან ერთად ვარჯიშობს. ლუკი ჯერ კიდევ ავადაა, მაგრამ იმედი მაქვს, გუნდთან ერთად ისიც ივარჯიშებს. კარგ მდგომარეობაში ვართ", - განაცხადა პორტუგალიელმა "ზარია ლუჰანსკის" დამარცხების შემდეგ.

მოურინიო ასევე ახსნა, რომ ევროპა ლიგის მატჩში მემფის დეპაისთვის სათამაშო დროის მიცემას აპირებდა, მაგრამ ტიმოთი ფოსუ-მენსას მცირე დაზიანებამ მის გეგმებში კორექტირება შეიტანა.

"ჩემი ფეხბურთელების შესახებ ყოველ თამაშში ყველაფერი ვიცი, განსაკუთრებით მოედანზე მყოფთა შესახებ. მერჩივნა სხვა ფეხბურთელებსაც ეთამაშათ უფრო მეტი ხანი, რათა მათ შესახებ უფრო მეტი გამეგო.

ჩაფიქრებული მქონდა, რომ მემფისს ხუთშაბათს 20-25 წუთს მივცემდი სათამაშოდ, თუმცა ეს ვერ მოვახერხე ცვლილებების გამო, რაც იმან გამოიწვია, რომ ფოსუ-მენსას ნაცვლად მარჯვენა მცველი უნდა შემეყვანა. თუმცა ჩვენ გუნდი გვჭირდება, ეს ეჭვგარეშეა".

წყარო: manutd.com