"მანჩესტერ იუნაიტედის" ნახევარმცველმა, ხუან მატამ "ლესტერთან" მატჩზე ისაუბრა. ესპანელი ფლეიმეიკერი "ლესტერთან" მატჩში ძირითად შემადგენლობაში მოგვევლინა, სადაც თავი გოლითა და საგოლე გადაცემით გამოიჩინა.

"ვფიქრობ, ჩვენ ასეთი გამარჯვება გვჭირდებოდა, რადგან წინა კვირა ძალიან ცუდად ჩავატარეთ, თუმცა ამჯერად ორი თამაში ზედიზედ მოვიგეთ, აღსანიშნავია, "ლესტერთან" მშვენიერი გამარჯვება. კარგია, როცა გოლს იტან, თუმცა ამაზე უფრო მნიშვნელოვანი საბოლოო შედეგია. ჩვენ მოვახერხეთ 20 წუთიან მონაკვეთში 4 გოლის გატანა, რაც ჩვენს ძლიერ ხასიათზე მეტყველებს." - აცხადებს მატა.

"ჩვენ სტანდარტულებზე ბევრს ვვარჯიშობდით. საბოლოოდ ამ ვარჯიშმა შედეგი გამოიღო და კარგი გათამაშების შემდეგ მარკუს რეშფორდი ცარიელი კარის პირისპირ დარჩა და გოლიც გარდაუვალი იყო." - დაასრულა ესპანელმა

აღსანიშნავია, რომ მატასთვის გუშინდელი შეხვედრა 150-ე იყო პრემიერ ლიგაში.