"იუნაიტედი" პარიზელთა ფეხბურთელით ინტერესდება.
"მანჩესტერ იუნაიტედის" პორტუგალიელ მწვრთნელს, ჟოზე მოურინიოს "პარის სენ-ჟერმენის" ბრაზილიელი შემტევის ლუკას მოურას დამატება სურს.
როგორც მოგეხსენებათ, ლუკასი ახლოს იყო 2013 წელს "ოლდ ტრაფორდზე" გადასვლათან, მაგრამ ტრანსფერი ბოლო წუთს ჩაიშალა და ბრაზილიელი ტალანტი "სან პაულოდან" ფრანგულ "პარის სენ-ჟერმენში" აღმოჩნდა.
ბრაზილიელი ფეხბურთელის აგენტის, ვაგნერ რიბიეროს განცხადებით, მოურას შეძენა მოურინიომ სცადა, როცა ეს უკანასკნელი ჯერ კიდევ "რეალ მადრიდს" ედგა სათავეში. აგენტმა აქვე ისიც დაამატა, რომ მოურინიოს ჯერ კიდევ აინტერესებს ლუკასი და სურუს ბრაზილიელი "იუნაიტედში" მიიწვიოს სათამაშოდ.
"ლუკასის შეძენა სურდა"რეალს", ისინი ჩვენ დაგვიკავშირდნენ, მაგრამ ეს არ იყო ფლორენტინიო პერესი, ეს იყო ჟოზე მოურინიო." "მოურინიო დაინტერესებული იყო ჩემი კლიენტით "რეალში" მუშაობის დროს და ეს ინტერესი ახლაც არ გამქარალა. ახალა მის გადაბირებას "იუნაიტედში" ეცდება." -დაასრულა ვაგნერ რიბიერომ.
"მანჩესტერ იუნაიტედში" დანიშვის შემდეგ ჟოზე მოურინიომ უკვე 150 მილიონი ფუნტი დახარჯა და "ოლდ ტრაფორდზე" ისეთი ფეხბურთელები მოიყვანა, როგორებიც ერიკ ბაი, ზლატან იბრაჰიმოვიჩი, ჰენრიხ მხითარიანი და პოლ პოგბა არიან.
ლუკას მოურა "პარის სენ-ჟერმენში" 2013 წელს 38 მილიონის სანაცვლოდ გადავიდა და ამ დროის განმავლობაში პარიზელთა მაისურით 167 მატჩი ჩაატარა და მეტოქის კარის აღება 26-ჯერ მოახერხა.
წყარო:
M.E.N.