ზლატან იბრაჰიმოვიჩმა უნიკალური მიღწევით გამოიჩინა თავი, როცა მანჩესტერულ დერბიში "ოლდ ტრაფორდზე" კლაუდიო ბრავოს კარი აიღო.

მიუხედავად იმისა, რომ "მანჩესტერ იუნაიტედი" დამარცხდა, შვედს ნამდვილად აქვს ზეიმის მიზეზი. "სიტის" კარში გატანილი გოლი იბრაჰიმოვიჩისთვის მეშვიდე გოლი გამოდგა ევროპის ცნობილ დერბულ მატჩებში.

34 წლის შვედი პირველი ფეხბურთელია, რომელმაც ევროპული ფეხბურთის 7 სხვადასხვა დერბიში გაიტანა გოლი.

ზლატანს თავი გამოჩენილი აქვს "მანჩესტერ სიტის" წინააღმდეგ "იუნაიტედის" მაისურით, მადრიდის "რეალისა" და "ესპანიოლის" წინააღმდეგ "ბარსელონას" მაისურით, მილანურ დერბიში "მილანისა" და "ინტერის" მაისურით და "დერბი დ'იტალიაში" "ინტერსა" და "იუვენტუსის" წინააღმდეგ.

მაგრამ ეს ყველაფერი არ არის. იბრაჰიმოვიჩმა გოლი გაიტანა ასევე "აიაქსის" რიგებში "ფეიენოორდის" წინააღმდეგ "დე კლასეკიერის" მატჩში და პსჟ-ს მაისურით "მარსელის" წინააღმდეგ "ლე კლასიკეს" მატჩში.

წყარო: goal.com