"მანჩესტერ იუნაიტედის" მარცხენა მცველი ლუკ შოუ "ფეიენოორდთან" ევროპა ლიგის მატჩს გამოტოვებს.

სულ რამდენიმე დღის წინ შოუ ნაკრებიდან კლუბის შემადგენლობაში ნაადრევად დაბრუნდა, რისი მიზეზიც იყო დისკომფორტი იმავე ფეხის არეში, რომელიც ერთი წლის წინ მოიტეხა. მიუხედავად ამისა, შოუ მანჩესტერულ დერბიში სასტარტო შემადგენლობაში თამაშობდა.

21 წლის ინგლისელმა შაბათს გამართული შეხვედრის ბოლომდე ჩატარება ვერ მოახერხა, რამეთუ 81-ე წუთზე შეცვლაზე გავიდა. ამის მიზეზი ბარძაყის ტრავმა გახლავთ.

ჟოზე მოურინიო შოუს "ფეიენოორდთან" მატჩში არ გამოიყენებს, რათა პრემიერ ლიგის მომდევნო ტურის შეხვედრაში "უოტფორდთან" მისი თამაშის საშუალება ჰქონდეს.

ევროპის ლიგის შეხვედრეაში შოუს ადგილი შესაძლოა, მარკოს როხომ დაიკავოს, რომელსაც ჯერ არც ერთი მატჩი არ ჩაუტარებია მანჩესტერის შემადგენლობაში პრემიერ ლიგის მიმდინარე სეზონში.

წყარო: M.E.N.