დღეს ოფიციალურად გახდა ცნობილი, რომ 10 სექტემბერს გასამართ მანჩესტერულ დერბის ინგლისელი არბიტრი, მარკ კლატენბურგი განსჯის. ინგლისელი ერთ-ერთ საუკეთესო არბიტრად ითვლება ევროპაში. კლატენბურგმა თითქმის შეცდომების გარეშე იმსაჯა ჩემპიონთა ლიგისა და ევროპის ჩემპიონატის ფინალები.

აღსანიშნავია, რომ კლატენბურგმა "ოლდ ტრაფორდზე" გამართულ წინა დერბიშიც იმსაჯა, რომელიც 25 ოქტომბერს შედგა და ფრედ, 0-0 დასრულდა.

მარკი ასევე მთავარი მსაჯი იყო ამ ორ კლუბს შორის ცნობილ შეხვედრაზე - 2011 წელს "სიტიმ" "წითელ ეშმაკებზე" გრანდიოზული გამარჯვება იზეიმა ანგარიშით 6:1.

მანჩესტერული დერბი 10 სექტემბერს "ოლდ ტრაფორდზე" გაიმართება, რომელიც სადებიუტო იქნება ორივე გუნდის მწვრთნელისთვის. აღსანიშნავია, რომ მოურინიოსა და გუარდიოლას გუნდებმა სეზონი ზედიზედ სამი გამარჯვებით დაიწყეს.