იტალიის მოქმედი ჩემპიონი, ტურინის "იუვენტუსი" "მანჩესტერ იუნაიტედის" იტალიელი მცველის, მატეო დარმიანის შეძენას განიხილავს, რომელიც განიხილება შვეიცარიეელი შტეფან ლიხშტაინერის შემცვლელად, რომელიც ახლოსაა კლუბის დატოვებასთან.

მას შემდეგ, რაც "იუვენტუსმა" თავისუფალი აგენტის სტატუსით დანი ალვეში დაიმატა, ლიხშტაინერის მომავალი იტალიურ გრანდში კითხვის ნიშნის ქვეშ დადგა.

ლიხშტაინერს სურს "იუვენტუსის დატოვება, მაგრამ არ სურს იტალიიდან წასვლა და სხვა ქვეყანაში კარიერის გაგრძელება. იგი იმედოვნებს, რომ მომავალ სატრანსფერო ფანჯარაზე "ინტერს" შეუერთდება.

"იუვენტუსს" კი, 26 წლის მატეო დარმიანი მიაჩნია შვეიცარიელის ღირსეულ შემცვლელად.

ახალ სეზონში მატეო დარმიანს ჟოზე მოურინიოს ხელმძღვანელობით ჯერ კიდევ არცერთი მატჩი ჩაუტარებია, როგორც ჩანს პორტუგალიელი იმედებს არ ამყარებს იტალიელზე და შესაძლოა, "იუვენტუსმა" იანვარში "იუნაიტედს" შეთავაზებით მიმართოს.

წყარო: Goal