"მანჩესტერ იუნაიტედის" მარცხენა მცველმა, ლუკ შოუმ განაცხადა, რომ ორი წლის წინ ჟოზე მოურინიო უარით გაისტუმრა, როდესაც პორტუგალიელი სპეციალისტი მას "ჩელსიში" ეპატიჟებოდა.

21 წლის ინგლისელმა მცველმა თითქმის ერთი წელი გაატარა ლაზარეთში მძიმე ტრავმის გამო, თუმცა მან მიმდინარე სეზონი შესანიშნავად დაიწყო. ლუკი სრულად ამართლებს მწვრთნელის ნდობას, რომელიც მისი დიდი გულშემატკივარია.

შოუ გამოტყდა, რომ პირველად მოურინისთან მუშაობის შანსი მას 2014 წელს მიეცა, როდესაც მან "საუთჰემპტონიდან" წასვლა გადაწყვიტა.

"უბრალოდ ვფიქრობდი, რომ "იუნაიტედში" უფრო მეტი სათამაშო დრო მექნებოდა, ვიდრე "ჩელსიში". პატრის ევრა კლუბს ტოვებდა, ხოლო ჩელსის დაცვაში ოთხი ერთმანეთში კარგად შეთამაშებული ფეხბურთელი ჰყავდა, რომლებიც მოურინიოს მოსწონდა."

"იმისდა მიუხედავად, რომ "ჩელსი" ჩემს სახლთან გაცილებით ახლოს იყო, ვგრძნობდი, რომ "იუნაიტედი" უფრო შესაფერისი კლუბი იყო ჩემთვის. ფულს არასდროს უთამაშია ჩემს ცხოვრებაში გადამწყვეტი როლი. მხოლოდ და მხოლოდ ფეხბურთი" - აცხადებს შოუ The Sun-თან.

წყარო: fapl.ru