ეკვადორის ნაკრებიდან გვიან დაბრუნების გამო, შესაძლოა "იუნაიტედის" მარჯვენა მცველმა, ანტონიო ვალენსიამ "სიტის" წინააღმდეგ გასამართი მანჩესტერული დაპირისპირება გამოტოვოს.

სამხრეთ ამერიკელები "იუნაიტედის" მოსამზადებელ ბანაკს 9 სექტემბერს, დერბიმდე 1 დღით ადრე შეუერთდებიან. ამგვარად, ჟოზე მოურინიოს შემადგენლობის დაკომპლექტება ძალიან გაუჭირდება.

პორტუგალიელის თქმით, განსაკუთრებულ შეშფოთებას იწვევს დაცვის მარჯვენა ფლანგი. თუ ვალენსია არ ითამაშებს, იგი შეიძლება ფილ ჯონსმა, მატეო დარმიანმა ან ტიმოთი ფონსუ-მენსამ შეცვალოს.

"ზოგიერთი ფეხბურთელი ორშაბათს დაბრუნდება, მაგრამ უმრავლესობა პარასკევს გამოემგზავრება. დერბიმდე ერთი დღით ადრე კი, სერხიო რომერო, მარკოს როხო და ანტონიო ვალენსია არ გვეყოლება.

ეს ყველაფერი მომზადების პროცესს ართულებს, მაგრამ ჩვენი მიდგომის შეცვლას არ ვაპირებთ და ჩვენს ხელთ არსებულ ფეხბურთელებთან ერთად მოვემზადებით,"-განაცხადა მოურინიომ.

წყარო: Fapl.ru