"ჩელსის" ახალწვეული, ნგოლო კანტე გამოტყდა, რომ ამ ზაფხულს "მანჩესტერ იუნაიტედი" მის შეძენას ცდილობდა.

შეგახსენებთ, რომ ივლისის შუა რიცხვებში ლონდონურმა კლუბმა 32 მილიონი ფუნტ სტერლინგი გადაუხადა "ლესტერს" 25 წლის კანტეს სანაცვლოდ. მაგრამ, როგორც ახლა ირკვევა, "ლურჯების" შემოთავაზება ერთადერთი არ იყო ამ სატრანსფერო ფანჯარაზე, ფრანგი ნაცევარმცველის შეძენას ჟოზე მოურინიოც ცდილობდა.

"ეს გასაოცარი იყო, რადგან პირადად ჟოზე მოურინიომ დამირეკა, მანამდე კი მქონდა ინფორმაცია, რომ ის ჩემით ინტერესდებოდა. მე მოვისმინე მისი არგუმენტები, თუ რატომ უნდა გადავსულიყავი "იუნაიტედში", მაგრამ იმ დროისთვის მე უნდა გადამეწყვიტა დავრჩენილიყავი "ლესტერში" თუ წავსულიყავი "ჩელსიში". ჩემი მოლაპარაკებები "ლურჯებთან" თითქმის დასრულებული იყო. კონტესთან საუბარმა შესანიშნავი შთაბეჭდილება შემიქმნა." - აცხადებს კანტე Sky Sports-თან ინტერვიუში.

წყარო:fapl.ru