მაიკ ფელანისთვის 21 წლის ჯეიმს უეირი მე-4 შენაძენი გახდა. ჯეიმსი 3 წლის განმავლობაში დაიცავს "ჰალ სიტის" ღირსებას. ახალგაზრდა ნახევარმცველის დებიუტი პირველ გუნდში გასულ სეზონში შედგა "არსენალის" წინააღმდეგ მატჩში.
პრემიერ ლიგის დაწყებისას "ვეფხვების" განკარგულებაში მხოლოდ პირველი გუნდის 13 მოთამაშე იყო, მაგრამ სამშაბათს "ჰალმა" დაიმატა ისეთი მოთამაშეები, როგორებიც არიან რაიან მეისონი, დევიდ მარშალი და "იუნაიტედის" ყოფილი ფორვარდი უილ კინი.
"მე ნამდვილად ბედნიერი ვარ "ჰალ სიტიში" გადასვლით, ეს მართლაც საინტერესო ნაბიჯია ჩემს კარიერაში და ამით ძალიან გახარებული ვარ."-განაცხადა უეირმა ვიდეო მიმართვით კლუბის ოფიციალური Twitter-ის გვერდზე.
"მოუთმენლად ველი ახალ გამოწვევას ჩემს კარიერაში და ერთი სული მაქვს, როდის დავეხმარები ჩემს ახალ კლუბს წარმატების მიღწევაში."